Sofoniyaasi 1:7 - Kafa Linguistics Project

⁷ Doono Yeerichi aabo shaggitone; Nuggishoo Doono Yeeri aafooch minnakanna gettaahote! Doono Yeeri bi asheenaꞌon gijjoon deejjoommon deejjiya qanniitone; Yihudee showoon boshemmi ettoon ceeggitone.

Sofoniyaasi 1:7 ပူးပေါင်းရင်းမြစ်များ

Iyoobi 24:1

“Beshe Hakkechi Yeeri bi nallemmi aaboon amoyich taajjeyaache? Bi nalloon, biich gibeneetinaꞌo amoyich beegaacheete?

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Isiyaasi 13:3

Ta kaaroon boonoshi ceechemmoyich, taacho tuneti yaafeetinaꞌon wocheto taane; wudoon ta dano boonoshin emirikkiibeeti ta ginee naayinaꞌon ceeggeto taane.

Isiyaasi 13:6

Doono Yeerichi aabo katinnitoyich, eefebote; Beshe Hakkechi Yeer waanee aallo woyemmone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 29:2

Tunebaani Arelin xuuxiyemmo taane; aroochoo ayinoonaa tuumona tunemmone; ebi katemee damoona wooreti deejjee gudoommon tunemmine.

Isiyaasi 34:5

Ta goraado bi digaayemmi wottoon shimaayoochaa uchitone; Edoomeenaꞌo toommooch, aallebeete ta iti asheenaꞌonochi toommoochoo nalliya kindemmone.

Isiyaasi 34:6

Doono Yeeri Botsiraa deejjoon, Edoomaa oogeti meechi bashoon bi qanniitoyich, Doono Yeerichi goraado damoona muureetone; awuyonoo michitone. Deejjee bagee baaddoonaa emmishoonochi damoon, ooge bagee baaddoochi yeyitee awuyonoo michitone.

Isiyaasi 6:5

Tawoo, “Ta noonoo eeꞌeti asho taane; ta beetoo, boonoshi noonoo eeꞌeti asheenaꞌo daggoochiye. Taatoo, Beshe Mawe Doono Yeerin ta aafoona ta beeggetoyich, aalleto taane; taach woowo!” iyo.

Erimiyaasi 46:10

Ebi aabo Beshe Mawe Nuggishoo Doono Yeeri aaboone; bi etteenaꞌo toommooch nichoon bi gaaccemmi aaboone. Bi goraado bi michimmi wottoon maayemmone; bi shachewoo tooqqimmi wottoon damoon uchemmone. Ebiyoo Beshe Mawe Nuggishoo Doono Yeeri dambi-waan, Efiraaxisee aachi gashooch deejjoon deejjemmo bi tunetoyichiye.

Hiziqeeli 7:10

“Ebiyoche deco! Israꞌeeli aallee aabo shaggitone; xuꞌoonaa hukkoona woddetone; geecoo diccii oogetone.

Hiziqeeli 7:7

Hini showooch beetinaꞌote, ittoshi aallee aabo shaggitone; aabo shaggitone; deco katinnitone; ebiyoo dullee aaboani guudi toommoochaa ilileecho toonoone.

Yoꞌeeli 1:15

Beshe Hakkechi Yeeri aalliyoon deebemmi, Doono Yeerichi aabo shaggitone. Ebi aaboyich woowo!

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Amootsi 6:10

Dubenoon daami duukkemmi ikke xiboo waa kichi daamibee, kechi maac gatooch beeti uroon ceegiree, “Neenna tookkii echeti asho beete?” gettemmone. Biyoo “Koniyoona aalloone” gettemmone. Are xiboo wochiree, “Qaariyaahine! Doono Yeerichi shigoon ceego nooch qaawiyaache” gettemmone.

Amootsi 8:3

Ebi arooba taatee kexoochaa duuppeebeeti duubi qoodoon eefo tunemmone. Dubeno meettemmone; danemmoochoo duppeyemmone; ashoo shashewimmemmone” iye Nuggishoo Doono Yeeri.

Imbaaqoomi 2:20

Tunebaani Doono Yeeri yaafoo tuneti bi yaafee kexooch beetone; showee toommooch beeti asho bulli bi aafooch minnakanna gettaaye.

Sofoniyaasi 1:14

Shattiiti Doono Yeerichi aabo katinnitone; oogichiꞌi katinnitone; afaafineꞌi shaggitone. Ebi are aabo caammiti aabo tunemmone. Ebi arooba giidechi ginee naayo bi gibenemmon mucceree oogichi cookemmone.

Zakaariyaasi 14:1

Doono Yeerichi nallee aabo waa beetone. Boggechinaꞌo ittoshi waanee boonoshi boggiton ittoshi ciini beetaa qoodeyemminaꞌone.

Zakaariyaasi 2:13

Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 22:4

“Taatoo bare wocheyechinaꞌon wochinnoon wochehe; ishichiinoo iye: ‘Ceekkeeti gaarechinaꞌo waan hamiree, “Ebiyoche, gaaree maayoon qanniito taane; maaꞌeenaꞌonaa gubbeneenaꞌona basheetinaꞌone; mooyo bulli gawaateetone; ebich gaarooch wobote” getote’ iye.

Roomi 3:19

Asho bulli noonoo bi wochaachemmoyich, alemo bulli toommooch Yeeri nallemmoyich, Muusichi Sheerooch kooreeto bulli ebi are sheeroyich hajjee beetinaꞌoyich gettiibeeto bi tunoon ariyaabeeto noone.

Roomi 9:20

Tunebaani haano ashoocho, ishichiree Yeerich wochemmo ne koni neene? Nuuqqoochee shuuneebeeti qiico shuuneton “Amoyich ebin tuniiꞌa taan shuunenne?” gettehe?

Filipphisiyoosi 4:5

Ittoshi deꞌittino asho bullich arichebe. Doono Yesuusi kaateree woyemmone.

1 Saameeli 16:5

Saameeliyoo “Eeha, diggoone. Ta waato, Doono Yeerich deejjoon giddiyoyichiye. Ittoshi qelloon yaafiree, taanna tookki deejjee xaaꞌooch wobote” iye. Aroochee Iseyinaa bi bushiisheenaꞌonon yaafiye. Deejjee xaaꞌooch boonoshi woyemmoyichoo ceeggiye.

1 Saameeli 20:26

Saaꞌooliyoo “Muusichi Sheeroo gettiibeeti gommona bi xalleyaachemmoyich tuniiti mooyo Daawiti toommooch diqqoona shago qayaache. Iberoon xalloo toonoone” iꞌi bi gabitoyich, arooba amoonolla getaanoone.