Sofoniyaasi 1:6 - Kafa Linguistics Project

⁶ Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Sofoniyaasi 1:6 ပူးပေါင်းရင်းမြစ်များ

2 Saameeli 22:22

Ebiyoo Doono Yeerichi gommon ta dabbitoyichiye; gondoon shuunoona Yeer waanee gubb wotteyaano ta tunetoyichiye.

2 Kiinoo 15:13

“Israꞌeelee Nuggishoo Doono Yeerich goyinnee maddeyaani asho, bushoo woyee oogoo, anaamo woyee maachee bi tunetaa qitibe” iꞌi wogeheete.

Shoddo 10:4

Gonde asho bi geecoochee tiyitona Doono Yeerin aaxxiyaache; biyoo “Yeeri aalloone” iꞌi gabiye.

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 36:3

Bi yibbaatoo maroonaa dawushoonane; shalligoona shuunoonaa deꞌe mooyon tuniyoonon qajjiye.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 43:22

Doono Yeeri ishichiye: “Yaaqobo, ne ta shigoon ceegaano neene; Israꞌeelo, ta mooyochon taahito neene.

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Erimiyaasi 10:25

Yaaqobin boonoshi maatoyich, maaꞌi ciroona boonoshi aalliitoyich, bi xaaꞌoonoo boonoshi happitoyich, neen ariyaani aageteenaꞌo toommooch, ne shigoonoo ceegaaneenaꞌo toommooch, ne kaaroon woniibe.

Erimiyaasi 15:6

Taan qajjito ittoshine, iye Doono Yeeri. Gubb wottee hammito ittoshine; ebich ta mochoon ittoshi toommooch tiijjiree ittoshin aalliyemmo taane; maariibee taahito taane.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Erimiyaasi 2:17

Ebin ne toommooch ne deebeto, gommona neen yaabiibeeti, ne Nuggishoo Doono Yeerin qayona toone?

Erimiyaasi 3:10

Ebi bulli tunetaanoona koote bi manee Yihudi, kootoonalli bi ceeni mulloona ta waan wotteyaaneene” iye Doono Yeeri.

Hiziqeeli 3:20

“Cadiqe asho bi cadiqittinoochee wotteꞌi gondoon bi shuunegaata, tawoo bi aafooch xugoon ta kotiigaata, aroo qitemmone; ebiyoo ne biin meeqqeqqiyaano ne tunetoyich bi axaaxoona qitemmone; bi shuuneti cadiqittinoo gabeyaachemmone; bi damoon ne kishoochee qaawemmo taane.

Hosee'i 11:7

Ta asheenaꞌo ta waanee bara wottoon qaawiyeete; gaachee danoyichoo damba cookiyeete; tunebaani boonoshin gaachemmo koniyoona aalloone.

Hosee'i 7:10

Boonoshi geecoo Israꞌeeleenaꞌo toommooch wochii miixee beetone. Ebi bulli tunetaanoona boonoshi Nuggishoo Doono Yeeri ta waan wotteyaaneenaꞌone; taanoo qaawaaneenaꞌone.

Hosee'i 7:7

“Bulliyona gudoochoommon gaamitinaꞌone. Nallii boonoshin qeejjii beetinaꞌon michitinaꞌone. Boonoshi taateenaꞌo bulliyoo qititinaꞌone. Boonoshi daggoochee ta waan cookito koniyoona aalloone” iye.

Sofoniyaasi 3:2

Ebi asheenaꞌo getaa giyaaneenaꞌo, kaaree ciicenoo waayeyaaneenaꞌone. Doono Yeerin gibeneyaacheete; boonoshi Nuggishoo waanoo giddeyaacheete.

Roomi 3:11

shalligiibeeto aalloone; Yeerinoo qaawiibeeto aalloone.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Yaasi 23:12

“Tunebaani Yeer waanee gubb shokiꞌi, hini ittoshi daggooch echeꞌi beeti bare aageteenaꞌona tookkii ikkittinoon geddii, naacheꞌi, boonoshi maache bushiishoon ittoshi shaagigaata woyee ittoshi maache bushiishoon boonoshich ittoshi shaakkiigaata,

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.