Sofoniyaasi 1:5 - Kafa Linguistics Project

⁵ Kechi toommooch kechiichii aabeyich, ageneenaa xojjenoonoyich goyinnee beetinaꞌon aalliyemmo taane. Doono Yeeri taach goyinnee ta shigoona wogeechii, hammii Milikoomi getteebeeti nuggishoochi shigoona wogee beetinaꞌonoo aalliyemmo taane.

Sofoniyaasi 1:5 ပူးပေါင်းရင်းမြစ်များ

1 Taateenaꞌo 11:33

Ebin ta tuniyemmoo, taan qajjiichii, Sidooneenaꞌochi nuggishee Ashitarootin, Moꞌabeenaꞌochi nuggishoo Kemooshinaa Amooneenaꞌochi nuggishoo Milikoominoyich goyinnee bi maddetoyichiye; wotta ta aafooch kaame mooyon tuniyoona, ta qociyoonaa ta getoonon quyoon, bi nihoo Daawiti ta gommona bi hamoommon, hamonoo bi qajjitoyichiye.

1 Taateenaꞌo 11:5

Solomooniyoo Sidooneenaꞌochi nuggishee Ashitarootinaa Amooneenaꞌochi ciigiiti nuggishoo Milikoominoyich goyinnehe.

1 Taateenaꞌo 18:21

Eliyaasi asheenaꞌo aafooch waaꞌi, “Mulloon guttiyoona shaami ittoshi beeyemmo, aati wottooniye? Nuggishoo, Doono Yeeri gaata, Doono Yeerich goyinne maddebote. Baꞌaalo gaata, Baꞌaaloyich goyinne maddebote” iye. Tunebaani asheenaꞌo ikke qaaroonona biich wochaaneenaꞌone.

2 Taateenaꞌo 17:32

Doono Yeerichoo shattiyeete; wottoo boonoshi daggoochee guudi toommeexi goyinnee xaaꞌeenaꞌoochaa boonoshi qoodooch deejjoon deejjemmi, qeesheenaꞌon kaacciyeete;

2 Taateenaꞌo 17:33

ebiyoommon Doono Yeerichoo shattii beeheete; tunebaani arooch beebee boonoshi waati boonoshi showee doyoommona boonoshi hajjee nuggisheenaꞌoyichoo goyinnee beeheete.

2 Taateenaꞌo 17:41

Ebi aagetee asheenaꞌo Doono Yeerin shattii beeheete; wotta qiicaa shuuneeti boonoshi shahalleenaꞌoyichoo ikke baddaa goyinnee beeheete; ebiyoommon boonoshi bushiisheenaꞌonaa boonoshi bushaa bushiisheenaꞌona hanaach beddaahaa boonoshi qaabbechinaꞌo tuniitoommon, tunii beetinaꞌone.

2 Taateenaꞌo 23:12

Yihudee taateenaꞌo shuuniiti, ebiyoo Akaazi kechi toommeexi kexooch beeti deejjee gudeenaꞌon, wotta Minaasi shuuniiti, ebiyoo Doono Yeerichi yaafee kechi gutte addibaabooch beeti deejjee gudeenaꞌon Yosiyaasi happiye. Ebi deejjee gudeenaꞌon tiichii yiikkiyiikkaayiꞌi, Qedirooni bambooch daammii duppiye.

Isiyaasi 22:1

Yaaꞌee Bambeechon Doono Yeer waanee getteeti wocho ebine: Kechi toommooch ittoshi bulli, ittoshi kechito amoyichiye?

Isiyaasi 44:5

Ikkoo ‘Ta, Doono Yeericho taane’ gettemmone; baroo Yaaqobichi shigoona ceekkemmone; baroo wotta ‘Doono Yeericho’ geti bi kishooch kooremmone; Israꞌeeli shigoona shigemmone” iye.

Isiyaasi 45:23

Cadiqe ta noonoochee qaaro kechitone; ebiyoo shaddeyaachemmone; ‘Gutenoo bulli taach goyinnemmone; heciyoo bulli taanna wogemmone’ iyaꞌa, ta qelloona wogeto taane.

Isiyaasi 48:1

“Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.

Erimiyaasi 12:16

Baꞌaaloonaa boonoshi wogemmoyich ta asheenaꞌon boonoshi dojjoommon ‘Beeyechi Doono Yeeri beege!’ iꞌi ta shigoona wogoyich, ta macceenaꞌochi gommon boonoshi doyigaata, ebiyooba ta asheenaꞌo daggooch becheeree aaremminaꞌone.

Erimiyaasi 19:13

Yerusaalemi katemeexi kexinaꞌonaa Yihudee taateenaꞌo kexinaꞌona, boonoshi kechi toommeexi kexinaꞌoochaa shimaajji xojjeneenaꞌo bullich boonoshi deejjiti, bare nuggisheenaꞌoyich uyee buuroon boonoshi ukkiti kexinaꞌo bulliyoo Tofeeti xaaꞌoochoommon eeꞌeenaꞌo tunemminaꞌone’ itone gete” iye.

Erimiyaasi 32:29

Hini katemoon kochiibeeti Baabloonee asheenaꞌo arooch qaaqqoon tucheree michemminaꞌone; taan ippiyoyich kechi toommeexi kexoochaa Baꞌaaloyich ixaanoon boonoshi shookkiti, bare nuggisheenaꞌoyich uyee buuroon boonoshi ukkiti kexinaꞌona tookki michemminaꞌone.

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Erimiyaasi 49:1

Amoonee asheenaꞌon ciinnii beetona Doono Yeeri ishichiye: “Israꞌeelich anaami bushiishoo aalloone? Woyee woraasho aalloone? Amoyich Milikoomich goyinneebeeti asheenaꞌo Gaadi yoodeenaꞌon yookkiꞌi bi katemeenaꞌon woraashiyeete?

Erimiyaasi 5:2

‘Beeyechi Doono Yeeri beege’ ii boonoshi wogeebeeto kootooniye” iye.

Erimiyaasi 5:7

“Taan qajjiyote; nuggisheenaꞌo tuneyaaneenaꞌona wogehote; ittoshin ta michiitoyee gubb shunoo maahote; yahechinaꞌo kexoochoo kiceehote. Ebich ittoshin ta maaremmo aabichireeshiye?

Erimiyaasi 7:10

ta shigoona ceekketi hini kexooch waanoo ta aafooch neexeechii “Wodito noone” iibee ebi ciigiiti mooyo bullin tuniihote.

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Hosee'i 10:2

Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.

Hosee'i 4:15

“Israꞌeeleenaꞌote, ittoshi shaddi gaatoona Yihudee asheenaꞌo ebiyoommi mooyon tuniyoona boonoshi xuqqemmoyich tuniyaahote; Galigala hammaahote; Beet Aweenoo kechaahote; ‘Beeyechi Doono Yeeri beege’ getishoo wogeyaahote.

Amootsi 5:26

Ittoshi qellich ittoshi shuuneti, Sakuuti getteebeeti ittoshi taatee nuggishoonaa Kayiwaani getteebeeti xojjenee nuggishoonochi misiloon tiijjii shaaggiyote.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Mishiraachechinaꞌo 10:9

Bi yaachich are wocheeti asheenaꞌo hammiibee, are Yooppha boonoshi shagg beddimmona, Pheexiroosi corootiya shiritte saati bedooch kechi toommeexi kexooch kechiye.

Roomi 14:11

“Doono Yeeri ishichiye: ‘Beeyecho taane; ashi gutenoo bulli taach goyinnemmone; ashi heciyoo bulli Yeeri ta tunoon miixemmone’ itone” getaa Yaafe Macaafooch kooreetone.

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Yaasi 23:7

Ittoshi daggooch echeꞌi beeti aageteenaꞌona tookki bacceyaahote; boonoshi goyinneebeeti nuggisheenaꞌochi shigoon ceeggaahote; boonoshina wogeyaahote; boonoshich goyinne maddeyaahote.