Sofoniyaasi 1:18 - Kafa Linguistics Project

¹⁸ Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Sofoniyaasi 1:18 ပူးပေါင်းရင်းမြစ်များ

Halloo 6:7

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.

1 Taateenaꞌo 14:22

Yihudee asheenaꞌo Doono Yeeri aafooch gonde mooyon shuuneheete; boonoshi qaabbechinaꞌo shuunetoyee beshoon, boonoshi shuuneti axaaxoona biin ippiiheete.

Iyoobi 21:30

Ebiyoo, gonde asho naxoochee wodiibeeto bi tunoon, Yeeri kaaro kindiyooba bi waan shagaano bi tunooniye.

Iyoobi 3:15

aachoonaa birewoonon kexooch ceechiti, woraaferasheenaꞌona tookki, kashesho taane.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Shoddo 79:5

Doono Yeero, ebi aati wottooniye? Bulli yemeenoon kaare beeyemmo neene? Ne qanaato qaaqqee aaxxoommon aaxxeshiye bi beeyemmo?

Shaahiyoo 11:4

Yeeri kaarehooba gaanno gaacaalloone; tunebaani cadiqo qitoochee wodiihe.

Shaahiyoo 18:11

Gaannechoyich bi gaanno mishigechi katemoon, genje xaqqee uxerooniye bi shaahiibeeto.

Isiyaasi 1:24

Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Isiyaasi 10:17

Israꞌeeleenaꞌochi bekko tuneti Yeeri boonoshich qaaqqoon tunemmone; Israꞌeelee Yaafoo Yeeri qaaqqee aaxxoon tuneree, ikke areddoon angixonaa guccinonon michi aalliyemmone.

Isiyaasi 10:3

Naxo ittoshi toommooch kindiyooba, aallo wohoochee waahooba amooniye ittoshi tuniyemmo? Ittoshin gaachemmon danoyichoo koni waaniye ittoshi hammemmo? Ittoshi gaannoonochi amoochiye ittoshi aachemmo?

Erimiyaasi 7:20

Ebich Nuggishoo Doono Yeeri ishichiye: Ebiyoche ta kaaroonaa ta neboona hini xaaꞌooch, ashoonaa kubbeexi cooxonochi toommooch, mixinaꞌonaa showee toommeexi maayi aafeenaꞌonochi toommooch wonemmone; aaxxemmone; tahishoo getaachemmone” iye.

Erimiyaasi 7:34

Showoo shokkoon echemmo bi tunetoyich, Yihudee katemeenaꞌonaa Yerusaalemi addibaaboonoochee ililee qaaroon, emiree qaaroon, woꞌeechi qaaroonaa woꞌee kenoochi qaaroonon aalliyemmo taane” iye.

Erimiyaasi 9:11

Doono Yeeri ishichiye: “Yerusaalemi katemoon buricee gutoo, boqqelleenaꞌo gofo tuniyemmo taane; Yihudee katemeenaꞌonoo asho goojjiti xaaꞌoon tuniyemmo taane” iye.

Hiziqeeli 16:38

Shaddechinaꞌonaa damee ukkechinaꞌona tuneti maacheenaꞌochi toommooch nalleebeeti nalloon ne toommooch nallemmo taane; ta neboonaa qanaatee ta kaaroonon ne toommooch kindiiree damoona ne wooremmoyich tuniyemmo taane.

Hiziqeeli 23:25

Ta qanaatoona neen ta kaaretoyich boonoshiyoo oogeti kaaroona tiyemminaꞌone; ne muddoonaa ne waamonon kuxxemminaꞌone; ne daggoochee echeto goraadoona dihemmone; ne anaami bushiishoonaa maache bushiishoonon keci daammemminaꞌone; ne daggoochee echeton qaaqqoo maayemmone.

Hiziqeeli 7:11

Hukkoo dicciꞌi gondeechi gumbo tunetone; asheenaꞌo beshaa beshe boonoshi hajjoonaa gaannoona muricaachemminaꞌone.

Hiziqeeli 7:19

Boonoshi birewoon gommooch duppemminaꞌone; boonoshi aachoo eeꞌe mooyooch haddeyemmone; boonoshi birewoonaa aachoona Doono Yeerichi kaaree aabooba boonoshin wodiyaachemmone. Ebi boonoshich xugo bi tunetoyich boonoshi shaacoon wochaachemmone; woyee boonoshi maacoon michiyaachemmone.

Hiziqeeli 7:5

“Nuggishoo Doono Yeeri ishichiye: Xuuxee toommooch xuuxo woyemmone.

Sofoniyaasi 1:11

Katemee deshi kuxooch beeti asheenaꞌote, giixechinaꞌo bulli aalletoyich, birewoona giixee beetinaꞌo bulli qititoyich, shooshe eefote.

Sofoniyaasi 1:15

Ebi aabo, kaaree aabo, iritee aaboonaa duꞌee aaboona, aallaa billimee aabo, shitirippimii mandereti aabo, quboonaa dunne manderoona tuneti aaboo tunemmone.

Sofoniyaasi 3:8

Ebich Doono Yeeri ishichiye: “Eke cikki beebote. Aagetee asheenaꞌo toommooch ta nallemmi aabo waatone. Ta kaaree shiixxoon boonoshi toommooch kindiyoyich, aagetee asheenaꞌonaa showee taateenaꞌonon kiciya maacceto taane. Ta kaaree aabooba, qaaqqoo aaxxoommon aaxxeebeeti ta qanaatee kaaroona showoo bulli mici aallemmone.

Maatiyoosi 16:26

Wotta asho showee toommooch beeto bullin biicho tuniichii bi kasheen bi muccegaata, amoon biich hallehe? Asho bi kasheen wochiꞌi danoyich amoon qoco hakkehe?

1 Qorontoosi 10:22

Ebin tuniyoona Doonon Kiristoosin qanaatiibona? Nooch biyee beshe giidoo beete?

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.