Sofoniyaasi 1:17 - Kafa Linguistics Project

¹⁷ Doono Yeeri ishichiye: “Axaaxoon shuunoona taan boonoshi xuqqitoyich, aaf doogoochoommon boonoshi shaꞌemmi wottoon duꞌoon ashi toommooch deebemmo taane. Boonoshi damoo aacochoommon ufemmone; boonoshi dubenoo guudoo duppeyoommon, danemmooch duppeyemmone” iye.

Sofoniyaasi 1:17 ပူးပေါင်းရင်းမြစ်များ

Shoddo 83:10

En Dooraa boonoshin aalliihine; boonoshi dubeno showooch duppeꞌi oqqiye.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Isiyaasi 50:1

Doono Yeeri ishichiye: “Ittoshi indeen ta yookketi gawukkee koorichoo aaye? Erettiyechinaꞌo daggoochee ittoshin ta kemmeto konichiye? Ebiyoche, ittoshi axaaxoona kecheto ittoshine; ittoshi xuꞌoona ittoshi indee yookketine.

Erimiyaasi 10:18

Doono Yeeri ishichiye: “Hini showee toommooch kotetinaꞌon and kichi yugemmo taane; boonoshin bi qaaqqimmi wottoon boonoshin xuuxiyemmo taane” iye.

Erimiyaasi 15:3

“Aalliyechi awudde mooyinaꞌon boonoshi toommooch deejjemmo taane, iye Doono Yeeri. Eboshiyoo wuxoyich goraadoon, geechoyich kunaaneenaꞌon, mamonaa aalliyoonoyich, shimaajji kafeenaꞌonaa kubbi cooxinaꞌononiye.

Erimiyaasi 18:21

Ebich boonoshi bushiisheenaꞌo shaacemmoyich tuniibe; ginooch beshiiree boonoshin imbe; boonoshi mecheenaꞌo bushaalleenaꞌonaa xuumeenaꞌonon tunebeete; boonoshi anaaminaꞌo qitoona aallebeete; boonoshi gurimaasheenaꞌo koyooba goraadoona aallebeete.

Erimiyaasi 2:17

Ebin ne toommooch ne deebeto, gommona neen yaabiibeeti, ne Nuggishoo Doono Yeerin qayona toone?

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Erimiyaasi 3:25

Wonnee tiijjaꞌa hanaach beddaahaa, noonnaa no qaabbechinaꞌona no Nuggishoo Doono Yeeri toommooch axaaxoon no shuunetoyich, no Nuggishoo Doono Yeerichi qaaroonoo waayo no qajjetoyich, no yeelloon beeroochoommon heci, no cooneyoonoo qoreddoochoommon ukeree, qebone.

Erimiyaasi 4:18

“Ne shaaddoonaa ne shuunoona ebin ne toommooch shakkiitone; ebi ne gondo mulloon tiichemmi oogeti magge caame mooyon ne toommooch deebitone” iye.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Shoosho 1:14

“Ta axaaxoo, waanjoochoommon ta qettooch xandeetone; bi kishoona ta qettooch haxxii xanditone. Ta giidoo qajjemmoyich tuniihe; ta etteenaꞌo kishooch Doono taan beshii immiꞌi, boonoshi aafooch hakka guutoo taan tuniihe.

Shoosho 1:18

“Bi qaaroyich deꞌa getaane ta tunetoyich, Doono Yeeri ebin tuniyoona cadiqoone. Bulli asheenaꞌote, waayebote; ta xuuxoonoo beegote; ta gidiideenaꞌonaa ta gurimaasheenaꞌona kecaa hammitinaꞌone.

Shoosho 1:8

Yerusaalemi ooge axaaxoon shuunetine; ebich eeꞌetine. Shokkaachee bi tunoon boonoshi beeggitoyich, biin oogii beetinaꞌo bulli hoxeheete; biyoo gaashillahan; qillifoon dichiyan.

Shoosho 2:21

“Gurimaashoonaa geenoona gommeexi buttooch dihiyeete; gurimaashe maacheenaꞌonaa anaaminaꞌona, goraadoona dihitinaꞌone; ne kaaree aabooba boonoshin wuxihine; boonoshich ariqqeyaanoon guurihine.

Hiziqeeli 16:38

Shaddechinaꞌonaa damee ukkechinaꞌona tuneti maacheenaꞌochi toommooch nalleebeeti nalloon ne toommooch nallemmo taane; ta neboonaa qanaatee ta kaaroonon ne toommooch kindiiree damoona ne wooremmoyich tuniyemmo taane.

Hiziqeeli 24:7

Bi ukkiti damoo and beddaahaa bi daggooch beetone; ebi damoon bi ukkito xalla bekkeebeeti xaqqee toommoochani butto qeremmi showooch toonoone.

Hiziqeeli 24:8

Ta neboon ta kindiyemmoyich, nichoon ta gaaccemmoyich, bi ukkiti damoo qereyaachemmoyich xalla bekkeebeeti xaqqee toommooch tuniihoye” iye.

Amootsi 4:10

“Gibitsee showoon ta yexoommon, biiyoona ittoshi showoon yexxehoye. Ittoshi gurimaasheenaꞌo ginoochaa qitemmoyich, ittoshi haresheenaꞌoo kecaa hammemmoyich tuniihoye. Ittoshi kaamboochaa qititi asheenaꞌochi dubeno ittoshi muddooch bi shaaqqemmoyich tuniihoye. Tunebaani ta waan wotteyaano ittoshine, iye Doono Yeeri.

Mikiyaasi 7:13

Tunebaani arooch beeti asheenaꞌochi gonde shuunoochee tiyitona showoo ashaalli xafo tunemmone.

Maatiyoosi 15:14

Boonoshin qayote; aaf doogoon yaabiibeeti aaf doogeenaꞌone; aaf doogo aaf doogoon bi yaabigaata, gutteenaꞌo yesheree oppooch dihemminaꞌone” iye.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 11:7

Aroochee amo tunehe? Israꞌeeleenaꞌo boonoshi qaawiti mooyon daneyaaneenaꞌone; tunebaani kaachetinaꞌo daneheete; echetinaꞌochi mullo muumehe.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Pheexiroosi 1:9

Ebi mooyinaꞌo biich aalli asho, katinooch beeti mooyinaꞌon baach ciinniibeeto woyee aaf doogoone; ebiyee aafi bi axaaxoochee bi xalloon battetone.

1 Yowannisi 2:11

Tunebaani bi manoon shixxiibeeto bi beeto manderoochiye; manderoona shaꞌee beetone; manderoo bi aafoon bi dookkitoyich amooch bi hammiibeeto gaata ariyaache.

Yaaꞌoo 3:17

‘Gaannecho taane; bedditi gaanno taach beete; baroo amolla taach qaawiyaache’ ii beeto neene; tunebaani xuuxoona yexxeto, ayinikkito, girecho, wolloo, shokkaachoo ne tunoon ariyaano neene.