Sofoniyaasi 1:15 - Kafa Linguistics Project

¹⁵ Ebi aabo, kaaree aabo, iritee aaboonaa duꞌee aaboona, aallaa billimee aabo, shitirippimii mandereti aabo, quboonaa dunne manderoona tuneti aaboo tunemmone.

Sofoniyaasi 1:15 ပူးပေါင်းရင်းမြစ်များ

Isiyaasi 13:9

Showoon shokko echiyoyich, axaaxechinaꞌon bi daggoochee aalliyoyich, maacmanjoon tuneꞌi, naxoona, kupphe kaaroona ceenniꞌi ebiyoche Doono Yeerichi aabo waa beetone.

Isiyaasi 22:5

Hini, Beshe Mawe Nuggishoo Doono Yeeri, Yaaꞌee Bamboochaa keqqoon, neecheyoonaa dulloonon bi deebiti aaboone. No katemee xaqqee uxeroo happeeyee aabo, guudo waan cookee aaboone.

Isiyaasi 8:22

Aroochee showooch ciiniree xuuxoon, manderoonaa ciitoonon beeggemminaꞌone; dunne manderooch duppeyemminaꞌone.

Erimiyaasi 30:7

Ebi aabo am shaahoon shattiihe! Ebiyoommi aabo aalloone; ebi Yaaqobichi iritee aaboone; tunebaani bi aroochee wodemmone.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Yoꞌeeli 2:2

Ebi aabo shitirippimii mandereti aabo, quboonaa dunne manderoona tuneti aaboone. Maaddee aabo guudinaꞌooch kooyoommon giidechi meeti ginee naayo woyemmone. Wonnee tiijjiꞌi ebiyoommi mooyo bekkee ariyaanoone; ebiyee bekkoo bekkeyaachemmone.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Yibbaatoo 28:52

Ne Nuggishoo Doono Yeeri neech immiti showoo bulliich beeti, ne gibenaabeeti, neexi genjeenaꞌonaa manjeenaꞌona tuneti xaqqee uxereenaꞌo bullin happii boonoshi aalliimmi wottoon, are showoo bulliich beeti ne katemeenaꞌo bullin giishi yechemminaꞌone.

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.

Yaaꞌoo 6:17

Shattii giiriiti boonoshi kaaree shiixxee aabo waatone; konine neexoon hakkemmo?” iyeete.