Sofoniyaasi 1:12 - Kafa Linguistics Project

¹² Arooba, ceechoon yeshiree Yerusaalemin boshemmo taane. Michii beetinaꞌon, boonoshi qelloon gibenee beetinaꞌon, boonoshi mulloonoo ‘Doono Yeeri gondoon tuneba deꞌe mooyon tuniyaache’ ii gabii beetinaꞌon naxemmo taane.

Sofoniyaasi 1:12 ပူးပေါင်းရင်းမြစ်များ

Iyoobi 21:15

biich no goyinne maddemmoyich, Beshe Hakkechi Yeeri konine? Bi waan corootiree, no danemmi gaaco amoone?’ iyeete.

Shoddo 10:4

Gonde asho bi geecoochee tiyitona Doono Yeerin aaxxiyaache; biyoo “Yeeri aalloone” iꞌi gabiye.

Shoddo 14:1

Mullaalli asheenaꞌo boonoshi mulloona “Yeeri aalloone” iyeete; ebi asheenaꞌo duubetinaꞌone; boonoshi shuunoo ciigeetone; gaawe mooyon tuniibeeto ikkolla aalloone.

Shoddo 94:7

Boonoshiyoo “Doono Yeeri ciinaanoone; Yaaqobichi Nuggishoo mooch haddaanoone” iyeete.

Isiyaasi 5:19

“No beeggemmoyich Doono Yeeri tuniiya bi gabiton kaate tuniibe; no ariyemmoyich Israꞌeelee Yaafoo yameti yamo kaate wobe” ii beetinaꞌoyich woowo!

Erimiyaasi 10:5

Boonoshi shahalleenaꞌo buqqee budooch beeti, kafoon keqqichiibeeti mooyoomminaꞌone; yibbaatoon hakkaaneenaꞌone; shaꞌoon hakkaaneenaꞌo boonoshi tunetoyich shaaggeeheete; gondoon tuneba deꞌoon tuniyoon hakkaaneenaꞌo boonoshi tunetoyich, boonoshin shattaahote” iye.

Erimiyaasi 48:11

“Moꞌabi, woyinee uyee dechiich koteti shicoommone; bi bushittinoochee tiijjiꞌi maggoone; qiicoochee qiicooch woneyaanoone; kecceꞌinoo hamaanoone; ebich bi shaawo bacceyaanoone; bi cinnoo baraanoone.

Hiziqeeli 8:12

Yeeriyoo taach ishichiye: “Ashi bushoocho, Israꞌeelee maccee qaabbeenaꞌo boonoshi shahalli shahallee kexoochaa manderoochaa boonoshi tunii beeton beeggetine? Boonoshiyoo ‘Doono Yeeri noon beegaanoone; Doono Yeeri hini showoon qajjitone’ itinaꞌone” iye.

Hiziqeeli 9:4

“Yerusaalemi katemoona hambe; bi daggoochaa tuneti ciigiiti mooyoyich ayinii beetinaꞌonaa eeppii beetinaꞌonochi barooch malletoon gede” iye.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Amootsi 6:1

Tsiyooni katemooch mashaamiti beemon beeti, Shamaari guudooch keqqaalloon koteti, boonoshin ittoshi gaachemmoyich Israꞌeeleenaꞌo ittoshi waan waabeeti, showeenaꞌo daggoochee ikkinnoo tuneti Israꞌeelee showee aricheti iraasheenaꞌote, ittoshich woowo!

Abidiyi 1:6

Esayichi shiijjereenaꞌote, am shaahoon bokkehote! Ittoshi qiiceenaꞌo am shaahoon bosheeheete!

Milikiyaasi 2:17

Ittoshi yibbaatoona Doono Yeerin shewiito ittoshine. Ittoshiyoo “Aabichaꞌa biin shewiihone?” ito ittoshine. Biin ittoshi shewiito, “Gonde mooyon tuniibeeto bullin Doono Yeeri gaawe aafoona ciinnii beetone; biyoo boonoshina emirii beetone” ittoshi getonane. Biin ittoshi shewiito wotta, “Dayinnetechi Yeeri aaye?” iꞌi echoonane.

2 Pheexiroosi 3:4

Boonoshiyoo “ ‘Woyemmo taane’ iꞌi bi gibenikkito and illa aaye? No qaabbechinaꞌo qititinaꞌone; tunetaa showoonaa shimaayoona halleetoochee tiijjiꞌi and beddaahaa bulli mooyo aafi bi beemoochee shaddeyaanoone” gettemminaꞌone.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.