Sofoniyaasi 1:10 - Kafa Linguistics Project

¹⁰ Doono Yeeri ishichiye: “Ebi arooba, Haashee Kelloochaa eeppi qaaro, andiro tuneti katemee kuxoochaa shooshee qaaro, geppoochaanoo kechi dihee qaaro waayeyemmone.

Sofoniyaasi 1:10 ပူးပေါင်းရင်းမြစ်များ

2 Saameeli 5:7

Tunebaani Daawiti kochiꞌi, Tsiyooni mishigoon yechiye. Ebiyoo Daawiti Katemoo getaa ceekkehe.

2 Saameeli 5:9

Aroochee Daawiti bi beeyi xaaꞌoon are mishigechi katemooch tuniihe. Aroonoo Daawiti Katemoo iꞌi ceeggiye. Biyoo Miilee tiijjii bi guudoon xaqqoona shuunehe.

2 Taateenaꞌo 22:14

Ebich qeeshoo Hiliqiyi, Ahiqaami, Akiboori, Shafaaninaa Asayaahina Yerusaalemichi guttinnee kuxooch beeti, keemechi Hulidaah waan echeya hammiyeete. Bi keno, Harihaasi bushoo Tiqiwaahi bushoo tuneti Shaluumi yaafee kechi tahee ukkiroone. Boonoshiyoo ebi mooyon keemechich gettiyeete.

2 Kiinoo 3:1

Yerusaalem, Doono Yeeri bi nihoo Daawitina daneti Mooriyi guudooch, Yebusee asho Orinaanichi maayi buchi xaaꞌooch, Daawiti qanniiti xaaꞌooch Doono Yeerichi yaafee kexon Solomooni wonniye.

2 Kiinoo 32:22

Ebiyoommi gommona Doono Yeeri Hiziqiyaasinaa Yerusaalemi asheenaꞌonon Asooree taatoo Senakireebichi kishoonaa boonoshi etteenaꞌo bulli kishoonoochee wodiihe. Boonoshi guudoona beeto bulliicheenoo boonoshin kashiihe.

2 Kiinoo 33:14

Ebiyee gubb, bambooch beeti Giyooni aachi xuuphoochaa aabi-gimo waanee tiijjii, Haashee Kellooch beddaahaa beeti Daawiti Katemee maachi xaqqee uxeroon, Ofeeli geppoon guudiiꞌi, genjiiꞌinoo wochinnoon uxerehe. Yihudee showooch beeti xaqqee uxerechi katemoo bulliich ginee iraasheenaꞌon kotiihe.

2 Kiinoo 34:22

Hiliqiyinaa biinna tookkii taatoo daachiiti asheenaꞌona, Yerusaalemi guttinnee kuxooch beeti, keemechi Hulidaah waan echeya hammiyeete. Bi keno, Hasiraahi bushoo Toqihaati bushoo tuneti Shaluumi yaafee kechi tahee ukkiroone. Boonoshiyoo tuneto bullin biich gettiyeete.

Nehimi 12:39

wotta Efreemi Kelloyee damba, Geene Kelloona, Haashee Kelloona, Hanaaneeli Xaqqee Dilaaloona, Balleenaꞌo Xaqqee Dilaaloona beshaꞌa, Bagee Kellooch beddaahaa hammeho. Boonoshiyoo Kellee Quyechinaꞌochi Kellooch shaggiꞌi neexeheete.

Nehimi 3:3

Hasenaahi bushiisheenaꞌo Haashee Kelloon shuuneheete; shaaqqee shagoon geddiyeete; kellee shaaqqoonoo xogiyeete; tuggoonaa qojjoonon geddiyeete.

Isiyaasi 59:11

Diiboochoommon cookiyone; eeppaabeeti uggechoommon qaaddehone; dayinnetoon qaawiyone; tunebaani daneyaano noone; wodoon qaawiyone; tunebaani no waanee wokkiye.

Erimiyaasi 39:2

Sedeqiyaasi taateti aaraa ikkinnee natooba, awuddinnee agenee yiixiyinnee qemooba katemee uxeroo gaakkeehe.

Erimiyaasi 4:31

Maaxoo manjeti, batti batti bushoon shiya maaceraabeeti maachechi qaaroommi qaaroon waayehoye; ebiyoo Tsiyooni kashee guuteyee qaaroone; bi kishoon yaggiichaa “Taach woowo! Ashoon wuxii beetinaꞌo aafooch mullo baalleeti taane” ii beetine.

Hiziqeeli 6:13

Wuxeeti boonoshi asheenaꞌo deejjee gudee guudooch beeti boonoshi shahallee daggooch, genje geppoo bullinaa guudo bullinochi toommooch, waajjechi mixo bullinaa wodde waajjechi meello bullinochi baatooch, shahalloyich shaawi cinnechi deejjoon boonoshi giddiiti xaaꞌoo bulliichoo boonoshi dihoon boonoshi beegiyooba, Doono Yeeri ta tunoon ariyemminaꞌone.

Amootsi 8:3

Ebi arooba taatee kexoochaa duuppeebeeti duubi qoodoon eefo tunemmone. Dubeno meettemmone; danemmoochoo duppeyemmone; ashoo shashewimmemmone” iye Nuggishoo Doono Yeeri.

Sofoniyaasi 1:15

Ebi aabo, kaaree aabo, iritee aaboonaa duꞌee aaboona, aallaa billimee aabo, shitirippimii mandereti aabo, quboonaa dunne manderoona tuneti aaboo tunemmone.

Sofoniyaasi 1:7

Doono Yeerichi aabo shaggitone; Nuggishoo Doono Yeeri aafooch minnakanna gettaahote! Doono Yeeri bi asheenaꞌon gijjoon deejjoommon deejjiya qanniitone; Yihudee showoon boshemmi ettoon ceeggitone.