Shoosho 4:3 - Kafa Linguistics Project

³ Boqqelleenaꞌolla boonoshi xanon boonoshi bushiisheenaꞌoyich xaachiyeete; tunebaani ta asheenaꞌo baraheexi shaakkoochoommon, maacmanjoon tuneheete.

Shoosho 4:3 ပူးပေါင်းရင်းမြစ်များ

1 Taateenaꞌo 3:21

Ta bushoon xaachoyich yaaꞌoona ta tiyaahaa, ebiyoche, qititone. Tunebaani haree bekkooch ciinnaꞌa, ta shiyeti bushoo tunee bi qayon ariihoye” iyan.

Isiyaasi 13:22

Boonoshi dilaaleenaꞌoochaa qaccemmoo qaaddemmone; gaawe boonoshi goddemeenaꞌoochaa boqqello uukkemmone; bi aallee aabo shaggitone; bi yemeeno ciiretone” iye.

Isiyaasi 34:13

Boonoshi taatee kexooch angixo, boonoshi mishigoochoo shimbirikkoonaa guccinona collemmone. Boqqelloonaa shaakkeenoyich beemi xaaꞌoo tunemmone;

Isiyaasi 49:15

“Indee bi xaachaa beeti bushoon battoon hakkehane? Bi shiyeti bushoyich maaxeyaachehane? Diqqich battoon hakkiyane; tunebaani ta, ittoshin batteyaache.

Erimiyaasi 19:9

Boonoshi anaami bushiisheenaꞌonaa maache bushiisheenaꞌonochi meenon boonoshi maayemmoyich tuniyemmo taane; boonoshi bulliyona boonoshi etteenaꞌonaa boonoshi kashoon qaawii beetinaꞌonochi xuuxiyoochee tiyitona asho bi giyoochi meenon maayemmone’ itone gete.

Shoosho 2:20

Yerusaalemiyoo “Doono Yeero, ciine: Ebiyoommon ne tuniito koni toommoochiye? Maacheenaꞌo boonoshi gaggereenaꞌon, aaxxii boonoshi dichiti bushiisheenaꞌon, maayi beddiyeete? Qeesheenaꞌonaa keemechinaꞌona Doonochi yaafee kexoochaa qita beddiyeete?

Shoosho 4:10

Ariqqechi maacheenaꞌochi kishoo boonoshi hajjee bushiisheenaꞌon kiijjiye; ta asheenaꞌochi aallee aabooba boonoshich maayoon tuneheete.

Hiziqeeli 5:10

Ebich ittoshi daggoochaa niheenaꞌo boonoshi bushiisheenaꞌon, bushiisheenaꞌo boonoshi niheenaꞌon maayemminaꞌone; eechiree ittoshi toommooch nallemmo taane; ebiichee muriccii echemmon yongee toommooch shaccemmo taane.

Leweenaꞌo 26:29

Shaacoochee tiyitona, ittoshi anaami bushiishoonaa maache bushiishoonochi meenon maayemmo ittoshine.

Roomi 1:31

shalligaalleenaꞌo, wogibiisheenaꞌo, shunaalleenaꞌonaa maacmanjeenaꞌona tuneheete.