Shoddo 99:3 - Kafa Linguistics Project

³ Oogoonaa shattiitona tuneti ne shigoon galletebeete. Bi yaafoone!

Shoddo 99:3 ပူးပေါင်းရင်းမြစ်များ

Nehimi 1:5

Tawoo ishichiyo: “Shimaajji Nuggishoo Doono Yeero, neen shunnii beetinaꞌonaa ne getoon quyee beetinaꞌonoyich ne giyeti wogoon ceechaabeeti, kuxeyaani ne shunoonoo bekkiyaabeeti, oogoonaa shattiitona tuneti Nuggishoocho,

Nehimi 4:14

Aroochee mooyon ta ciinnetoyee gubb, ogoogeenaꞌonaa ukkireenaꞌonoyich, echeti asheenaꞌoyichoo ishichiyo: “Boonoshin shattaahote; oogoonaa shattiitona tuneti Doono Yeerin gabibote. Ittoshi maneenaꞌoyich, ittoshi anaami bushiishoonaa maache bushiishoonoyich, ittoshi mecheenaꞌonaa ittoshi kexonoyicha getiree koyebote” iyaꞌa boonoshich getteho.

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Nehimi 9:5

Leweenaꞌo, eboshiyoo Yaasi, Qadimeeli, Baniyi, Hashabiniyahi, Sherebiyi, Hodiyi, Shebaniyinaa Fetahiyina, “Tiyi neexeechi, ittoshi Nuggishoo Doono Yeerin bulli yemeenoochee bulli yemeenooch diiribote” iyeete. Aroochee asheenaꞌo ishichiꞌi corootiyeete: “Galletoonaa diiroo bullinoyee beshe oogee yiirechi ne shigo diireebe.

Shoddo 100:4

Galletebee bi kelleenaꞌona gibote; galletebeeshoo bi addibaabooch gibote; galletoonoo biich imbote; bi shigoonoo naadibote.

Shoddo 103:1

Ta kasheene, Doono Yeerin diiribe! Ta ashittino bulli yaafe bi shigoon diiribe.

Shoddo 111:9

Bi wodiyoon bi asheenaꞌoyich deejjiye; bi wogoonoo bulli yemeenooch manjiihe; bi shigoo yaafoonaa shattiitonane.

Shoddo 145:17

Doono Yeeri bi gommo bullina cadiqoone; bi shuunoo bullina deꞌoone.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Shoddo 76:1

Yeeri Yihudee showooch arichetone; bi shigoo Israꞌeelee showooch oogoone.

Shoddo 76:12

Yeeri geecechi iraasheenaꞌon giishiihe; showee toommeexi taateenaꞌo biin shattiyeete.

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Erimiyaasi 20:11

Tunebaani Doono Yeeri hakkechi ginee naayochoommon taanna tookkiiniye; ebich taan yookkii beetinaꞌo tepheeshalli boonoshi gettemmo, taan xoobiyaachemminaꞌone; boonoshich kaameyaachemmo bi tunetoyich, oogichi yeellemminaꞌone; bulli aabooch batteyaani cooneyoon cooneyemminaꞌone.

Yowannisi 17:11

Tawoo ne waan hammaabeeto taane; ebiyee gubb, alemooch beetaachemmo taane; tunebaani boonoshi alemooch beeyemminaꞌone. Yaafe ta Nihoocho, eboshi noochoommon boonoshi ikkottemmoyich, taach ne immeti ne shigoona boonoshin quyebe.

Yibbaatoo 28:58

Muusi Israꞌeeleenaꞌoyich ishichiye: “Hini macaafooch kooreeti ebi sheeree qaareenaꞌon manjiiꞌa quyo ne qayigaata, wotta oogee yiirechonaa shattiitona tuneti, ne Nuggishoo Doono Yeerichi shigoon shaton ne qayigaata,

Yibbaatoo 7:21

Neenna tookkii beeti ne Nuggishoo Doono Yeeri giidechonaa shattiitona tuneti Nuggishoo bi tunetoyich, boonoshin shattaahine.

Yaasi 24:19

Yaasiyoo asheenaꞌoyich ishichiye: “Doono Yeeri yaafe Nuggishoonaa qanaatechi Nuggishoona bi tunetoyich, biich maddoon hakkaachote. Ittoshi xuꞌoonaa axaaxoonon maaraachemmone.

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.

1 Saameeli 2:2

“Doono Yeeriyoommi yaafoo aalloone; biinoommo ciroona aalloone; no Nuggishoommi deebo aalloone.