Shoddo 99:1 - Kafa Linguistics Project

¹ Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe.

Shoddo 99:1 ပူးပေါင်းရင်းမြစ်များ

2 Saameeli 6:2

Aroochee Daawitinaa biinna tookkii beeti asheenaꞌo bullina, taabootee toommooch beeti kiruubeenaꞌoyee tookk tuneꞌi taateebeeti, Beshe Mawe Doono Yeerichi shigoona ceekketi, Yeerichi taabootoon aroochee deeba Yihudee showooch beeti Baali katemooch hammiyeete.

1 Kiinoo 16:30

Showee toommo bulliich beeti asheenaꞌote, bi aafooch qewebote. Showoo manjiitaa bi shuuneetoyich shuuraachemmone.

Shoddo 18:10

Kiruubee toommooch tuneꞌi yoobbiye; yongoochi qoshoona tuneꞌi yoobbiye.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 80:1

Israꞌeelee Qiddoocho, Yooseefi shiijjeroon bagoochoommon yaabaa beetocho, no qolloon waayebe. Kiruubeenaꞌochi toommooch kotaabeetocho, aaxxe bekkebe!

Shoddo 80:2

Efreemichi, Biiniyaaminaa Minaasinochi aafooch bekkebe; ne giidoon bekkiibe; noon wodiyoyichoo wobe.

Shoddo 82:5

“Ittoshich ariyoo woyee shalligoo aalloone; showee koto bulli shuurii beetaa, ittoshi manderoona shaꞌee beehote.

Shoddo 93:1

Doono Yeeri taatehe; oogoonaa hakkoonon tahehe; showoonoo manjiihe; showoo ciroona shuuraachemmone.

Shoddo 96:10

Aageteenaꞌo daggoochaa “Doono Yeeri taatete; bi shuuraachemmoyich showoon manjiiꞌi neechiye; biyoo bi macceenaꞌo bullich tachi nallemmone” getote.

Shoddo 96:9

Bi yaafittino koojjii aaxxeebeeti Doono Yeerich goyinnebote; showee toommo bulliich beeti asheenaꞌote, bi aafooch qewebote.

Shoddo 97:1

Doono Yeeri taatetone; showoo emiribe; wohooch beeti buure showeenaꞌo bulliyoo emiribeete.

Shoddo 97:4

Bi xeeyo alemo bulliich phaqqii bekkehe; showoo bulli ebin beeggii qewehe.

Keyo 25:22

Taabootee toommooch beeti gutte kiruubeenaꞌochi gutte daggooch, axaaxoon maariyee guufee tookk tuneechi, neenna danemmo taane. Israꞌeeleenaꞌoyich tunemmi ta geto bullin neech gettemmo taane.

Isiyaasi 19:14

Doono Yeeri xummittinee ayaanoon bi daggooch gedditone; mashecho bi cooyo giinaa bi dadeddoommon, Gibitsinoo bi tuniibeeti mooyo bullina bi dadeddemmoyich tuniiheete.

Erimiyaasi 4:24

Guudinaꞌon ciinneho; ebiyoche qewee beetinaꞌone; geppeenaꞌoo okk hach shuuriyeete.

Erimiyaasi 49:21

Boonoshi dihee qaaroochee tiyitona showoo shuuremmone; boonoshi eeppi qaaro Ceelle baharooch beddaahaa waayeyemmone.

Erimiyaasi 50:46

Baablooni yechee cookoochee tiyitona, showoo shuuremmone; bi cookoo aageteenaꞌo daggooch waayeyemmone” iye.

Hiziqeeli 43:7

Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Luqaasi 19:12

Ishichiinoo iye: “Taatee yaroo tuneti ikke uro bi showee toommooch taatittinoon deꞌiree wotteya iꞌi wohi showooch hamma tiyiye.

Luqaasi 19:14

“Tunebaani are showee asheenaꞌo biin boonoshi shixxitoyich, ‘Hini uro no toommooch bi taatoon shunnaachone’ iꞌi bi hillooch biin taatiyemmo waan wochoon daachiiheete.

Luqaasi 19:27

Wotta boonoshi toommooch ta taatemmoyich shunaani ta shixechinaꞌon yeshiree taach hach deebote. Ta aafoochaanoo boonoshin guuribote’ iye” iꞌi gettiye.

Filipphisiyoosi 2:12

Gaawe bi daaggoon ittoshi qaawemmoyich, are bi daaggoonoo ittoshi ceechemmoyich, bulli aaboon ittoshina shuuneebeeto Yeerine. Ebich shucheti ta maneenaꞌote! Bulli aaboon ta ciicoyich ittoshi deꞌa itoommon, ittoshina tookkaa ta beetaa baach tuneyaanoon beshoon and ittoshi waanee ta wohi beetaa, ta ciicoyich deꞌa getote. Ittoshi daneti wodoo ceeno bi tunemmoyich shati qewebee kuppheree shuunebote.

Yaaꞌoo 11:17

ishichiyeete: “And beeti, aafoo beeti, Beshe Hakkechi Nuggishoo Doono Yeero! Ooge ne giidoon yechaꞌa ne taatetoyich neen galletehone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 6:14

Shimaayoo yeebboochoommon qodeꞌi aallehe; guudinaꞌonaa buure showeenaꞌo bullinoo boonoshi xaaꞌoochee aalleheete.