Shoddo 98:1 - Kafa Linguistics Project

¹ Worganikkiti mooyinaꞌon bi tuniitoyich, bi qanne kishoonaa yaafe bi mochoona wudoon biich bi daniitoyich, Doono Yeerich andire shoddoon shoddebote.

Shoddo 98:1 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Iyoobi 40:9

Ta mochoommi mochoo neech beete? Ta qaaro gigoommon, ne qaaro gigeebeete?

Shoddo 105:5

Bi guuno Abrahami yareenaꞌote, bi kaacciti Yaaqobichi bushiisheenaꞌote, bi tuniiti worganikkiti bi shuunoon, bi nalloonaa gaakkechi bi mooyonon gabibote.

Shoddo 136:4

Bi ikkeeto baach oogeti gaakkechi shuunoon shuunee beeton galletebote; bulli yemeenoon shoodechone.

Shoddo 139:14

Shattiitonaa worganeetona tuneti gommona ta halleetoyich neen galletehoye; ne shuunoo worganeetone; ebin gaawichaꞌa ariihoye.

Shoddo 149:1

Haleluya! Andire shoddoon Doono Yeerich shoddebote; biich gibeneetinaꞌo kiceetoochaa biin galletebote.

Shoddo 33:3

Andire shoddoon biich shoddebote; ooge ximboon yexi kaayibee ililibote.

Shoddo 72:18

Bi ikkeeto baach worganeeti mooyon tuniibeeti, Israꞌeelee Nuggishoo Doono Yeeri diireebe!

Shoddo 77:14

Gaakkechi shuunoon shuunaabeeti Nuggishoo ne baach neene; macceenaꞌo daggooch ne hakkoon bekkiito neene.

Shoddo 86:10

Ebiyoo oogoo ne tunetoyich, worganeeti mooyonoo ne tuniitoyichiye; ne ikkeeto baach Nuggishoo neene.

Shoddo 89:14

Ne taatittino bi neexeto cadiqoonaa dayinnetoona toommoochiye; ne shuunoo bullin shoodoonaa gibeneyoona tuniihine.

Shoddo 96:1

Doono Yeerich andire shoddoon shoddebote; showee toommo bulliich beeti asheenaꞌote, Doono Yeerich shoddebote.

Shoddo 96:3

Bi oogoon aageteenaꞌoyich awaajjibote; worganikkiti bi shuuneenaꞌonoo macceenaꞌo bullich getote.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 15:6

“Doono Yeero, ne qanne mochoo giidechi oogee yiirechone. Doono Yeero, ne qanne kishoo ettoon yiikketone.

Isiyaasi 12:5

Oogeti shuunoon bi shuunetoyich, Doono Yeerich shoddebote; ebi showee toommo bulliich arichebe.

Isiyaasi 42:10

Doono Yeerich andire shoddoon shoddebote; bi galletoon showee toommo bulliichaa shoddebote. Baharee toommona shaꞌee beetinaꞌo bulli, baharee daggooch beeti halleenaꞌo bulli, galletebote. Baharee gashooch, buure showoonaa arooch beetinaꞌonote, shoddebote.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 59:16

Ebi xukketinaꞌon gaachemmi asho ikkolla aallo tunoon beeggiꞌi worganehe; bi hajjee mochoo wudoon deebiye; bi cadiqoo biin deggii yechiye.

Isiyaasi 63:5

Ciinnehoye; tunebaani gaachemmo koniyoona aallehe; deggemmo aalletoyich taan worganikkiye; ebich ta hajjee mochoo taach wodoon daniihe; ta kaaroo taan deggiye.

Erimiyaasi 31:22

Hini gibeneyaani asheenaꞌote, axiraache ittoshi beeyemmo aati wottooniye? Doono Yeeri ta, showee toommooch andire mooyon hallito taane; maachee anaamoyich deeboon tunemmine” iye.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Mishiraachechinaꞌo 19:20

Ebiyoommi gommona Doonochi qaaro gaminnii, wudoonoo danee hammiye.

Qolaasiyaasi 2:15

Hini are masqalee toommoochaa Kiristoosi gondoochi iraasheenaꞌonaa ukkireenaꞌonon kochii wochiꞌi, boonoshi giidoon shootona bulli aafooch cooqqireetinaꞌon tuniihe.

Yaaꞌoo 14:3

Taatee qeechi aafoochaa, kashechi awudde halleenaꞌonaa geeneenaꞌonochi aafoochaanoo andire shoddoon shoddeheete. Hini showooch beeti asheenaꞌo daggoochee Yeeri biishee wodiiti ebi balli aabbaa awudde hume asheenaꞌoyee beshetaa, koniyoona hini shoddoon doyiꞌi shoddoon hakkaanoone.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;

Yaaꞌoo 6:2

Beeggaanoo iyo; areegaata nacce hareshoon beeggeho; aroon yebbeto kishooch maꞌo beetone; biichoo gubbichoo ichehe; kochii wochechon tuneꞌi bi shixechinaꞌon koyi wochiya shimaajji taatee xaaꞌoochee kechii hammiye.