Shoddo 97:10 - Kafa Linguistics Project

¹⁰ Doono Yeeri gondoon shixxii beetinaꞌon shunniye; bi yaafeenaꞌochi kashoon quyehe; gondoochi kishoochee boonoshin wodiihe.

Shoddo 97:10 ပူးပေါင်းရင်းမြစ်များ

Shoddo 101:3

Gonde shuunoon ciinibee cikki qayaachemmo taane; Yeeriyee kechiti asheenaꞌo mooyon shixxehoye; boonoshina tookkishoo ciroona guuphaache.

Shoddo 119:104

Ne sheeroochee shalligoon doyiyoye; ebich kootee gommon shixxehoye.

Shoddo 119:163

Kootoon shixxehoye; tiyaarehoye; tunebaani ne qaaroon shunnehoye.

Shoddo 121:7

Doono Yeeri gondo bulliichee neen quyemmone; ne kashoon quyemmone.

Shoddo 125:3

Cadiqeenaꞌo gondeenaꞌochi gommon boonoshi doyaachemmoyich, gondeenaꞌo cadiqeenaꞌo showooch ukkireyaachemminaꞌone.

Shoddo 145:20

Doono Yeeri biin shunniibeeto bullin quyehe; tunebaani gondeenaꞌo bullin aalliihe.

Shoddo 31:23

Bi yaafeenaꞌote, ittoshi bulli Doono Yeerin shunote; Doono Yeeri gibeneetinaꞌon quyee beetone; tunebaani geecechinaꞌon bede sheeroon sheeremmone.

Shoddo 34:14

Gonde mooyoochee wohe; gaawe mooyon tuniibe; diggoona beemon kupphiiree qaawibe.

Shoddo 36:4

Bi qeenoochaa gondoon gabiye; gaaweyaani gommo waan wottehe; gonde mooyon shixaache.

Shoddo 91:14

Yeeri ishichii beetone: “Taan bi shunnii beetoyich biin wodiyemmo taane; ta shigoon bi arii beetoyich, biin quyemmo taane.

Shaahiyoo 2:8

Dayinnetoona nallii beetinaꞌon quyee beetone; bi yaafeenaꞌochi shaaddoon manjii beetone.

Shaahiyoo 3:7

Mullechon tuniiree neen wochi ciinnaahine; Doono Yeerin shate; gondoocheenoo wohe.

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Erimiyaasi 15:21

Gondeenaꞌo kishoochee neen wodiyemmo taane; maacmanjeenaꞌo kishoochee neen biishemmo taane” iye.

Daaneeli 3:28

Aroochee taatoo ishichiye: “Bi maraakoon deejjiꞌi, boonoshi Nuggishoyee besh bare nuggishoyich maddoonaa goyinnoonon qajjiti, ta getoon qajjiti, boonoshi kashoon beshiiꞌi immiti, biinoo gibeneti bi guuninaꞌon wodiiti, Sidiraaqi, Misaaqinaa Abidinaginochi Nuggishoo diireebe!

Daaneeli 6:22

Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.

Daaneeli 6:27

Biyoo shiwehe; wodiihe; showoonaa shimaayoonoochaa worganikkiti malletoonaa gaakkechi shuunoonon shuunehe. Daaneelinoo daahereenaꞌo kishoochee wodiitone” iye.

Amootsi 5:14

Kashoona ittoshi beeyemmoyich, deꞌoonalli gondoon shuuneya qaawiyaahote. Ebin ittoshi tuniigaata, ittoshi gettitoommon Beshe Mawe Nuggishoo Doono Yeeri ittoshina tookki tunemmone.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Roomi 7:15

Amoon ta tuniyaabeeto gaata taach giyaanoone; ta shixxaabeeti mooyoniye ta tuniyaabeeto; tunebaani ta shunnaabeeti mooyon tuniyaano taane.

Roomi 7:24

Ta am shaahoon maaceraabeeti asho taane! Hini qitooch bechiibeeti meenoochee konine taan wodiyemmo?

1 Qorontoosi 8:3

tunebaani koniyoona Yeerin bi shunigaata, are uro Yeerina arichetone.

2 Tasaloonqi 3:2

Wotta asho bulli no gettaabeeti qaaroon iberiibeeto toonoone; ebich hukkechinaꞌonaa gonde asheenaꞌonochi kishoochee no wodemmoyich qollebote.

Yaaqobi 1:12

Iritoo bi toommooch shagiyooba haaꞌiibeeti asho diireetone; iritoon haaꞌiyoona bi beshiitoyee gubb, Yeeri biin shunnii beetinaꞌoyich bi gibenikkiti bulli yemeenee kashee gubbichoon danemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

1 Pheexiroosi 1:5

Ittoshi mulloon Kiristoosi toommooch ittoshi tooꞌii beetoyich, yemeenee ciirooba bekkeya qanniti wodoyich Yeerichi giidoona quyeeꞌi beeto ittoshine.

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

1 Yowannisi 5:18

Illa Yeer waanee shiijjeto bulli axaaxoon bi shuunee qayon ariibeeto noone. Yeerichi Bushoo biin bi quyee beetoyich, gondoochi nihoo bi achooch shagaachemmone.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.