Shoddo 97:1 - Kafa Linguistics Project

¹ Doono Yeeri taatetone; showoo emiribe; wohooch beeti buure showeenaꞌo bulliyoo emiribeete.

Shoddo 97:1 ပူးပေါင်းရင်းမြစ်များ

Halloo 10:5

Baharee gashoonaa buure showoonooch beeti asheenaꞌo ebi Yawaani bushiisheenaꞌochi shiijjereenaꞌone. Ebi Yafeetichi shiijjereenaꞌo boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

Shoddo 2:11

Doono Yeerin shatona maddebote; qewebeeshoo biich hajjeebote.

Shoddo 93:1

Doono Yeeri taatehe; oogoonaa hakkoonon tahehe; showoonoo manjiihe; showoo ciroona shuuraachemmone.

Shoddo 99:1

Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 41:5

“Buure showooch beetinaꞌo ta tuniiton beeggii shattiyeete; showee tuggooch beetinaꞌoo qeweheete; ikkooch kiceeꞌi waaheete.

Isiyaasi 42:4

Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.

Isiyaasi 49:1

Baharee gasheexi buure showooch beetinaꞌote, ta waanee ellebote; wohi showooch beeti aageteenaꞌote, waayebote: Doono Yeeri, ta shiijjeyaan beetaa, taan ceeggiye; ta indee maacooch ta beetaa, taach shigoon shigiihe.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Isiyaasi 51:5

Ta cadiqoo kaate shaggemmone; ta wodiyoo kechemmone; ta mochoona aageteenaꞌon hajjemmo taane; baharee gasheexi buure showeenaꞌo taan gibene quyemminaꞌone; ta mochoonoo gibenemminaꞌone.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Abidiyi 1:21

Esayichi guudon hajjoyich, kochii wochechinaꞌo tuneti asheenaꞌo Tsiyooni guudi toommooch kechemminaꞌone; taatittinoo Doono Yeericho tunemmone.

Sofoniyaasi 2:11

Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.

Zakaariyaasi 14:9

Doono Yeeri showoo bulli toommooch taatemmone. Ebiyooba Nuggishoo, Doono Yeeri baach, ceekkemmoo, bi shigo baach tunemmone.

Maatiyoosi 3:3

Keemechi Isiyaasina: “ ‘Doonochi gommon qanniibote; bi woretoonoo kaachi qaxxebote’ iibee barahoochaa cookiibeeti ashi qaaro” getteeto hinine.

Maatiyoosi 6:10

Ne taatittino bulli toommooch bede; shimaayooch beetinaꞌo ne getoon boonoshi waayoommon, ebiyoommon showooch beetinaꞌo waayebeete.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Maariqoosi 11:10

Woyemmi no nihoo Daawitichi taatittine diireebuye! Hosaana! Shimaajji shimaayooch beeti Yeeri galleteebe!” iibee cookeeheete.

Qolaasiyaasi 1:13

Biyoo manderee taatoo kishoochee noon kichiye; bi shuni Bushoochi taatittineech noon giijjiye.

Yaaꞌoo 11:17

ishichiyeete: “And beeti, aafoo beeti, Beshe Hakkechi Nuggishoo Doono Yeero! Ooge ne giidoon yechaꞌa ne taatetoyich neen galletehone.