Shoddo 95:6 - Kafa Linguistics Project

⁶ Ittoshi waataa yitiree biich goyinnebone; noon halliti Doono Yeeri aafooch gutenebone.

Shoddo 95:6 ပူးပေါင်းရင်းမြစ်များ

1 Taateenaꞌo 8:54

Solomooni ebi bulli corootoonaa qolloonon Doono Yeerich giddii bi ciichitoyee gubb, bi kishoon shimaayooch yaggiꞌi bi guteneti, Doono Yeerichi deejjee gudee aafoochee tiyiye.

2 Kiinoo 29:28

Iitoo bulliyoo goyinnehe. Deejjoo miccii ciiremmi wottoon shoddechinaꞌoo shoddeheete; tiroon huggechinaꞌoo huggiyeete.

2 Kiinoo 29:29

Deejjoo giddee ciiremmona, taatoonaa biinna tookkii beeto bullina yittiꞌi, goyinneheete.

2 Kiinoo 29:30

Taatoo Hiziqiyaasinaa bi iraasheenaꞌona Leweenaꞌona kooreeti, Daawitinaa yaaꞌechi Asaafina kichiti galletee shoddeenaꞌon shoddoona Doono Yeerin boonoshi galletemmoyich, gettiyeete. Boonoshiyoo emiroona shoddee galleteheete; yittiꞌinoo goyinneheete.

Iziri 9:5

Aroochee womikkee deejjee saatooch, are keexe maaci ta tahoonaa maachi ta tahoonon ta tahetona, coomaꞌa ta kotetoochee tiyeho; gutenaꞌa ta kishoon ta Nuggishoo Doono Yeer waan yaggaachaa,

Iyoobi 35:10

Tunebaani ‘Iritee aaboobolla, shoddoon no shoddemmoyich tuniibeeti, kubbi cooxinaꞌoyee beshoon, nooch dojjiibeeti, shimaajji gaceenaꞌoyee beshoon, shalligecho noon tuniibeeti, noon halliti Nuggishoo aaye?’ ito koniyoona aalloone.

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 119:73

Taan hallii shuuneto, ne kishoone; ne geteenaꞌon ta doyemmoyich taan shalligecho tuniibe.

Shoddo 139:13

Ebiyoo ta ashittinoon, ne hallitoyich, ta indee maacooch taan koccaꞌa ne shuunetoyichiye.

Shoddo 149:2

Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

Shoddo 72:9

Barahooch beetinaꞌo bi aafooch goyinnebeete; bi etteenaꞌoo buttoon baaxeete.

Shoddo 95:1

Ittoshi waataa Doono Yeerich shoddebone; noon wodiiti no xaqqee guudoyich ililibone.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Dojjecho 12:1

Xuuxee gooroo waataan beetaa, “Taan emirikkaache” ne gettemmi natinaꞌo waataan beetaa, ne gurimaashittinee yemeenooch neen Halliton gabibe!

Isiyaasi 17:7

Ebi arooba asheenaꞌo boonoshin Hallito waan ciinnemminaꞌone; boonoshi aafoonoo Israꞌeelee Yaafoo tuneti Doono Yeer waan wochemminaꞌone.

Isiyaasi 44:2

Neen halliti, maacooch neen shuuneti, neen gaachaabeeti Doono Yeeri ta, ishichaabeeto taane: Ta guuno Yaaqobo, ta kaacceti Israꞌeelo, shattaahine.

Isiyaasi 54:5

Neen halliti Nuggishoo neech kenoon tunemmone; bi shigo Beshe Mawe Doono Yeeri getteehe. Israꞌeelee Yaafoo neen biishe wodiyemmone; biyoo showoo bullichi Nuggishoone.

Isiyaasi 64:8

Tunetaa Doono Yeero, ne, no Nihoo neene; no, nuuqqoo noone; newoo noon hacheto neene; no bulli ne kishee shuunoo noone.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Hosee'i 8:14

“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.

Maatiyoosi 4:2

Aroochaa aabbe areddoonaa aabbe xumoonon bi coomitoyee gubb shaacehe.

Maatiyoosi 4:9

“Taach yittaꞌa ne goyinnegaata, eboshi bullin neech immemmo taane” iye.

Maariqoosi 14:35

Boonoshi aafoochee giishechoon wokkiꞌi hammiye. Showooch baroona guufeechii, tunesho gaata, hini saatooch tunemmi mooyo echemmoyich corootiye.

Luqaasi 22:41

Biyoo boonoshiyee xaqqee awur bedoon wokkiꞌi guteneechii,

Yowannisi 1:3

Yeeri bulli mooyon biinna halliihe; halleetinaꞌo daggoochee ikkolla bi aalloon halleeto aalloone.

Mishiraachechinaꞌo 20:36

Ebiyee gubb, Phawuloosi boonoshi bullina tookkii guteneꞌi corootiye.

Mishiraachechinaꞌo 21:5

Tunebaani no hammemmi aabo bedaa hammehon; kittinneenaꞌo bulli boonoshi maachoonaa bushiishoona tookkii katemoyee maach beddaahaa noon deenniyeete. Baharee gashooch gutenaꞌa no corootitoyee gubb,

Mishiraachechinaꞌo 7:60

Guteneꞌi, “Ta Doonocho, hini axaaxoon boonoshi toommooch haddiyaahine” iꞌi oogichii cookiye. Ishichiichii qitiye.

Efesooni 3:14

Ebichi naboyich shimaayoonaa showoonooch beeti yaroo bullin halliti Nihoo Yeeri aafooch gutenaꞌa corootaabeeto taane.

Filipphisiyoosi 2:10

ebin bi immito, shimaayoonaa showoonooch, showoyee deshoo beeto bulli Yesuusichi shigoyich bi gutenemmonaa

1 Pheexiroosi 4:19

Ebich Yeerichi daaggoona xuuxoon beeggii beetinaꞌo, deꞌe mooyon tuniibee, gibeneeto tuneti, halliti Yeerichi kishooch boonoshi kashoon quyiibeete.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

Yaaꞌoo 22:8

Ebinoo ta waamona waayeto, ta aafoonoo beeggeto, Yowannisi taane; ta waayaa beeggehooba, ebin taach bekkiiti maraakoyich goyinneya bi baatooch baroona guufeho.