Shoddo 95:11 - Kafa Linguistics Project

¹¹ Ebich “Boonoshi kashemmoyich imma ta gabiti xaaꞌooch, ciroona giyaachemminaꞌone” iyaꞌa kaaroona wogehoye.

Shoddo 95:11 ပူးပေါင်းရင်းမြစ်များ

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Hiziqeeli 13:9

Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.

Haddoo 14:23

boonoshi qaabbechinaꞌoyich imma ta wogeti showoon ciroona beegaachemminaꞌone; boonoshi daggoochee taan hoxeti asho koniyoona beegaachemmone.

Hibireena'o 3:11

Ebiyoommon ‘Boonoshi kashemmoyich imma ta gabiti showooch ciroona giyaacheete’ iyaꞌa kaaroona wogehoye” itone.

Hibireena'o 3:18

“Boonoshi kashemmoyich imma ta gabiti showooch giyaachemminaꞌone” iꞌi Yeeri wogeti asheenaꞌo, aaboshine? Biich deꞌa getaache itinaꞌo tooneenaꞌone?

Hibireena'o 4:3

Illa no mulloon Yeeri toommooch tooꞌiiti no, Yeeri no kashemmoyich imma bi gabiti xaaꞌooch giyaabeeto noone. Yeeri tuniiya bi gabiti gaboo alemo halleetoochee tiijjiꞌi ceeno bi tunetaanoona, Yeeri “ ‘Boonoshi kashemmoyich imma ta gabiti showooch ciroona giyaachemminaꞌone’ iyaꞌa kaaroona wogeto taane” bi itoommone.

Hibireena'o 4:5

Are xaaꞌoochaa wotta Yeeri “Boonoshi kashemmoyich imma ta gabiti showooch ciroona giyaachemminaꞌone” itone.

Yaaꞌoo 14:13

Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.