Shoddo 93:1 - Kafa Linguistics Project

¹ Doono Yeeri taatehe; oogoonaa hakkoonon tahehe; showoonoo manjiihe; showoo ciroona shuuraachemmone.

Shoddo 93:1 ပူးပေါင်းရင်းမြစ်များ

1 Kiinoo 16:30

Showee toommo bulliich beeti asheenaꞌote, bi aafooch qewebote. Showoo manjiitaa bi shuuneetoyich shuuraachemmone.

1 Kiinoo 16:31

Showoonaa shimaayoona oogichi emiribeete; aageteenaꞌo daggoochaa, “Doono Yeeri taatete” geteete.

1 Kiinoo 29:12

Gaannoonaa oogoona daneebeeto ne waaneeniye; newoo bullin hajjito neene; asho koninolla oogiyoyich, hakkoonoo imoyich, hakkoonaa giidoona ne kishoochiye.

Iyoobi 40:10

Eke oogoonaa oogee yiiroonon, moogeyoonaa naadeyoonon, taheree bekkebe.

Shoddo 103:19

Doono Yeeri bi taatee qeenon shimaayooch manjiitone; bi taatittino bullin hajjemmone.

Shoddo 145:13

Ne taatittino bulli aabee taatittinoone; bushaa bushooch beddaahaa hajjemmo neene. Doono Yeeri bi qaaro bullina gibeneetone; bi shuunoo bullina shoodechone.

Shoddo 18:32

Taach giidoon immiibeeto, ta gommonoo taach kaachiibeeto, Yeerine.

Shoddo 59:13

Ne kaaree shiixxoona boonoshin aalliibe; ciroona boonoshin aalliibe. Ebina Yeeri Israꞌeelin qeejjiibeeto bi tuno, bi taatittino showee toommo bulliich bedo bi tuno, asho bullich arichemmone.

Shoddo 65:6

Ne giidoona guudinaꞌon manjiito neene; hakkoonoo ginee qiicoochoommon cuyeto neene.

Shoddo 65:7

Ne, baharee goohoon, aachi aayi buugoon, macceenaꞌochi dulloon cikkaayihine.

Shoddo 75:3

Showoonaa areexi asho bullina qewegaata, bi tuugeenaꞌo manjemmoyich tuniyaabeeto taane.

Shoddo 96:10

Aageteenaꞌo daggoochaa “Doono Yeeri taatete; bi shuuraachemmoyich showoon manjiiꞌi neechiye; biyoo bi macceenaꞌo bullich tachi nallemmone” getote.

Shoddo 97:1

Doono Yeeri taatetone; showoo emiribe; wohooch beeti buure showeenaꞌo bulliyoo emiribeete.

Shoddo 99:1

Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe.

Isiyaasi 11:5

Cadiqittinoon bi shimetooch cuyemmone; gibeneeto tuno bi naabee buroon tunemmone.

Isiyaasi 45:12

Showoon shuuneto, ashoon aree toommooch hallito, taane; shimaayeenaꞌon yaggito ta kishoone; shimaajji halleenaꞌon qociito taane.

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 49:8

Doono Yeeri ishichiye: “Shucheti aabooba neech wochemmo taane; wodiyee aabooba neen gaachemmo taane; neenoo quyemmo taane; showoon wochi ne shuunemmoyich, ashaalli shokkoo echeti showoon ne qoodemmoyich, wogoon neen tuniiya asheenaꞌoyich immeto taane.

Isiyaasi 51:16

Ne noonooch ta qaaroon kotiito taane; ta kishee yiirooch neen aachemmo taane; shimaayoon yaggito showoon kotteto taane; Tsiyoonee asheenaꞌonoo ‘Ittoshi, ta asho ittoshine’ gettemmo taane” iye.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Isiyaasi 52:7

Diggee mishiraachoon deebiibeeti, wodeechon awaajjiibeeti, “Ne Nuggishoo taatemmone” iꞌi Tsiyoonich gettiibeeti, wocheyechinaꞌochi baateenaꞌo guudi toommoochaa am shaahoon gaaweheete!

Isiyaasi 59:17

Cadiqoon getee ginee tahoochoommon tahemmone; bi shimboochoo wodiyoon xuuree ukoochoommon ukemmone; nichee kichoon tahoochoommon tahemmone; qanaatoon xappee qoreddoochoommon xappemmone.

Isiyaasi 63:1

Edoomee showooch beeti Botsiri katemoochee ceelle tahoon taheꞌi ebi waabeeto konine? Oogoon taheto, bi giidoona shaaddeebee waabeeto ebi konine? “Cadiqo, giidechi Wodiyecho tuneti, taane.”

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

Hibireena'o 1:8

Tunebaani Yeeri bi Bushoochon gettiibee, “Nuggishoo Yeero, ne taatee qeeno bulli yemeenoon beeyemmone; ne taatittinee daggooch beetinaꞌo bullin tatoona qeejjihine.

Yaaꞌoo 19:6

Wochinnoon dofee asheenaꞌochi qaaroommi qaaro, ogooge aacinaꞌochi qaaroommi qaaro, giidechi xeeyee qaaroommi qaaroo ishichiꞌi bi getaa waayeho. “Haleluya! Beshe Hakkechi no Nuggishoo Doono Yeeri taatetone.