Shoddo 92:6 - Kafa Linguistics Project

⁶ Yeexere asho ariyoon bi hakkaani, mullaalli asho shalligoon bi hakkaani, mooyo beete;

Shoddo 92:6 ပူးပေါင်းရင်းမြစ်များ

Shoddo 104:24

Doono Yeero, ne shuunoo am shaahe woddoone! Bullin ne ariyoona shuuneto neene; ne halliti mooyo showoona ceennitone.

Shoddo 139:14

Shattiitonaa worganeetona tuneti gommona ta halleetoyich neen galletehoye; ne shuunoo worganeetone; ebin gaawichaꞌa ariihoye.

Shoddo 14:1

Mullaalli asheenaꞌo boonoshi mulloona “Yeeri aalloone” iyeete; ebi asheenaꞌo duubetinaꞌone; boonoshi shuunoo ciigeetone; gaawe mooyon tuniibeeto ikkolla aalloone.

Shoddo 32:9

Lugaamoonaa shachoonon gedo qayigaata ittoshi waan katinaani, shalligaalli hareshoommonaa biceroommonon tuneyaahote” iye.

Shoddo 49:10

Shalligechinaꞌochi qitoo, tuusheenaꞌonaa mullaalleenaꞌonochi aallo, aricheti mooyone; boonoshi gaannoon bareenaꞌoyich dufi hammemminaꞌone.

Shoddo 73:22

mullaalli dookko tunehoye; ne aafoochaa miimo tunehoye.

Shoddo 75:4

Geecechinaꞌon ‘Cooddaahote’ gondeenaꞌon ‘Ittoshi qaroon damba tiijjiyaahote;

Shoddo 94:8

Asheenaꞌo daggooch beeti tuusheenaꞌote, shalligibote; mullaalleenaꞌote, mullechon ittoshi tunemmo aatane?

Shaahiyoo 1:22

“Mullaalleenaꞌote, mullee muccoon ittoshi shuni beeyemmo aati wottooniye? Cooqqirechinaꞌoo boonoshi cooqqiroona boonoshi emiri beeyemmo aati wottooniye? Tuusheenaꞌo ariyoon boonoshi shixi beeyemmo aati wottoniye?

Shaahiyoo 24:7

Shalligoo tuushoyich oogeti wohone; biyoo iitoochaa eciya tippoon tunehe.

Shaahiyoo 30:2

“Iberoochaa ta, asho bulliyee beshoon mullaallo taane; ashich beeti gaboo taach aalloone.

Isiyaasi 1:3

Gattoo bi doonon arii beetone; kuroo bi doonochi magedoon arii beetone; tunebaani Israꞌeeleenaꞌo ariyaaneenaꞌone; ta asheenaꞌoo shalligaaneenaꞌone” iye.

Isiyaasi 28:29

Ebi bulli mooyo bi waabeeto, Beshe Mawe Doono Yeer waaneeniye; biyoo ciicoona worganeeto, shalligoonoo beshoone.

Isiyaasi 55:9

Shimaayoo showoyee damba bi wohoommon ta gommo ittoshi gommoyee, ta gaboo ittoshi gaboyee oogeton wohone.

Erimiyaasi 10:14

Asho bulli mullaalloonaa tuushoonane; aachee ukkecho bulli bi shuuneti misilee naboona yeelletone; bi shuuneeti misilo kootoone; kasho biich aalloone.

Erimiyaasi 32:19

Gaboona oogoo, shuunoonoo hakkecho neene; asho bullich bi gommoommonaa bi shuunee aafoommonon qocoyich, ne aafo asho bullichi gommon ciinnii beetone.

Luqaasi 12:20

“Tunebaani Yeeri ‘Hini mullaalloocho! Ne kasheen ta kotiitoochee hanaachi xum tiijjemmo taane; hini ne kicitochi, konich tunehe?’ iye.

1 Qorontoosi 2:14

Yaafe Ayaano biich aalli asho Yeerichi Yaafe Ayaanee mooyon duubo bi tunii beetoyich, danoon hakkaache; shalligoonoo hakkaache; shalligoon hakkoo bi qajjiibeeto, ebi moochi gaacoon maqqiꞌi ariyoon hakkemmo, Yaafe Ayaano biich beeti asho baach bi tunetoyichiye.