Shoddo 92:13 - Kafa Linguistics Project

¹³ Doono Yeerichi kexooch becheetinaꞌone; no Nuggishoochi addibaabooch waarwaariyemminaꞌone.

Shoddo 92:13 ပူးပေါင်းရင်းမြစ်များ

2 Kiinoo 4:9

Qeesheenaꞌoyich tunemmi addibaaboon, ooge addibaaboonaa bi kellee shaaqqeenaꞌonon shuuniihe; kellee shaaqqeenaꞌonoo aachoona dikkiihe.

Asteeri 9:4

Mordokiyoosi taatee kechi daggooch aricheti ashoon tunehe; bi mooyo woraafeenaꞌo bulliich waayeehe; biyoo oogoona beshii beshii hammiye.

Shoddo 100:4

Galletebee bi kelleenaꞌona gibote; galletebeeshoo bi addibaabooch gibote; galletoonoo biich imbote; bi shigoonoo naadibote.

Shoddo 116:19

Yerusaaleme, ebinoo ne daggoochaa, Doono Yeerichi addibaaboochaa tuniyemmo taane. Haleluya!

Shoddo 135:2

Doono Yeerichi yaafee kechi daggooch, no Nuggishoochi yaafee kechi addibaabooch, neexee beetinaꞌote, galletebote.

Solomooni 4:11

Ta woꞌeene, ne noonoochee eechi woolloo toollii beetone; ne heciyee dechiich ejjoonaa eeyona beetone; ne tahee cinno Libanoosi cinnoommone.

Solomooni 5:15

Bi baatoo aachee hecee toommooch xogeeti, aaxxe xaqqee giimboommone; bi malleto Libanoosee mixoommone; yigee mixochoommon kaachetone.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Roomi 11:17

Tunebaani becheeti zayitee mixoochee ikkikke ateenaꞌo boonoshi xooꞌetaa, kubbeexi zayitee michi atoochee tuneti ne, becheeti zayitee michi ateenaꞌo daggooch giyaa xaaqqeeꞌa boonoshina tookkaa michi xepphoochee kechiibeeti mooyo bulliichee qoodeyecho tuneto neene.

Roomi 6:5

Kiristoosi qitoon shaahiibeeti qitoona biinna tookkaa no ikkottetoyee, Yeeri Kiristoosin qitoochee bi tiijjitoommon, ebiyoommon noonoo bi tiijjaa, Kiristoosina tookki ikkottemmo noone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.