Shoddo 91:2 - Kafa Linguistics Project

² Doono Yeerin “Taach deeboonaa mishigoona neene; neen ta gibenaabeeti ta Nuggishoo neene” gettemmone.

Shoddo 91:2 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Shoddo 14:6

Ittoshi girechochi gaboon duubiyoyich qaawiyote; tunebaani Doono Yeerichi shoobo biich deeboone.

Shoddo 142:5

Doono Yeero, ne waan cookiyoye; “Ne, ta deebo neene; kashechinaꞌo beeti hini showoochaa ta qoodee iristo neene” iyoye.

Shoddo 142:6

Oogeton ta mullo bi qititoyich, ta cookoon waayebe; tayee beshii boonoshi sharitoyich ta etteenaꞌo kishoochee taan wodiibe.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 18:3

Galleto biich giddi bede Doono Yeer waan ta cookaa, biyoo ta etteenaꞌo kishoochee taan wodii beetone.

Shoddo 25:2

Ta Nuggishoocho, neen gibeneto taane; ta yeellemmoyich tuniyaahine. Ta etteenaꞌo taan coonaayeete.

Shoddo 31:15

Ta kasho bi beeto ne kishoochiye; taan duꞌiibeeti, ta etteenaꞌo kishoochee taan wodiibe.

Shoddo 43:4

Aroochee Yeerichi deejjee gudooch, taan oogichiꞌi emirikkiti Yeer waan, hammemmo taane. Yeeri ta Nuggishoocho, ooge ximboona neen galletemmo taane.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shoddo 46:2

Ebich showoo qewetaa, guudinaꞌo baharee daggooch boonoshi dihitaa, shataachone.

Shoddo 48:14

Ebi Nuggishoo bulli yemeenoon no Nuggishoone; bulli yemeenoon noon yaabemmone.

Shoddo 61:5

Yeero, ta mookkoon waayehine; neech shattii beetinaꞌoyich ne tuniyaa beetoommon, iristoon taach immehine.

Shoddo 71:3

deebe xaqqoon tuneree, manje mishigoonoo tuneree, taan wodiibe; ne ta deebe xaqqo, ta mishigo neene.

Shoddo 91:9

Ebiyoo Doono Yeerin neech shoobo ne tuniitoyich, Beshoo Yeerin ne qiddoo ne tuniitoyichiye.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Erimiyaasi 31:1

Doono Yeeri ishichiye: “Ebiyooba Israꞌeelee gumbo bullich Nuggishoon tunemmo taane; boonoshiyoo ta maccoon tunemminaꞌone” iye.

Luqaasi 20:38

Illa asho bulli kashoona beeto tuneba qititoo tuneba Yeerich beeti kashechinaꞌone; ebich kashechinaꞌochi Nuggishoani qititinaꞌochi Nuggishoo toonoone” iye.

Hibireena'o 11:16

Tunebaani beshoon, ebiyoo shimaajji xaaꞌoon qaatii beeheete. Ebich Yeeri boonoshi beeyemmi katemoon boonoshich qanniitone. Ebich Yeeri boonoshi Nuggishoo getaa ceekkoyich yeelleyaache.