Shoddo 90:2 - Kafa Linguistics Project

² Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Shoddo 90:2 ပူးပေါင်းရင်းမြစ်များ

Halloo 1:1

Shiichiꞌi Yeeri shimaayoonaa showoonon halliye.

Iyoobi 15:7

“Ne, ashoyee shiichaꞌaniye ne shiijjeto? Geppeenaꞌo halleyoyee shiichaꞌaniye ne shiijjeto?

Iyoobi 36:26

Yeeri beshiti oogoo bi tunetoyich, biin xiishii ariyoon hakkaachone; bi yemeenoon koniyoona haddii ariyoon hakkaache.

Shoddo 102:13

Hini, Tsiyooni gaawe aafoona ciichemmi yemeenoone; maacheti aabo shaggitone; tiyiree Tsiyoonich ariqqebe.

Shoddo 103:17

Tunebaani Doono Yeerichi shoodo biin shattii beetinaꞌoyich bulli aaboochee bulli aaboochiye; bi cadiqittinoo bushaa bushooch beddaahaa boonoshi toommoochiye.

Shoddo 146:6

Showoon, shimaayoonaa baharoonon, arooch beeto bullinoo hallito, bulli yemeenoon bi qaaroon quyeebeeto, biine.

Shoddo 33:9

Bi getaa showoo halleehe; bi gettitoyichoo manjiye.

Shoddo 93:2

Ne taatee qeeno wonnee tiijjiꞌi manjoone; newoo bulli aabooch beeto neene.

Keyo 8:6

Ebina Harooni Gibitsee showeexi aacinaꞌo toommooch bi kishoon yaggiye; woqqeqqeenaꞌo kechiꞌi showoon guuppiyeete.

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Daaneeli 7:9

Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Hibireena'o 13:8

Yesuus Kiristoosi yiichoo, hanaachoo, bulli yemeenoonoo biine.

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.