Shoddo 89:29 - Kafa Linguistics Project

²⁹ Bi shiijjeroon bulli yemeenoon, bi taatee qeenonoo shimaayoo manjiꞌi beemoommon, manjiyemmo taane.

Shoddo 89:29 ပူးပေါင်းရင်းမြစ်များ

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

1 Kiinoo 22:10

Taach kexon haggemmo biine. Biyoo taach bushoon tunemmone; tawoo biich nihoon tunemmo taane. Bi taatee qeenonoo bulli yemeenooch Israꞌeeleenaꞌo toommooch manjiyemmo taane’ iye.

Shoddo 132:11

Doono Yeeri shaddeyaani ibere wogoon Daawitich ishichiꞌi wogehe: “Ne hajjee bushoon ne taatee qeenooch kotiyemmo taane.

Shoddo 21:4

Kashoon ne waanee qollehe; kashee genjoon, bulli yemeenooch biich immehine.

Shoddo 45:6

Nuggishoo Yeero, ne taatee qeeno bulli yemeeneechone; ne taatittinee gumbo dayinnetee gumboone.

Shoddo 89:36

Bi shiijjeroo bulli yemeenoon beeyemmone; bi taatee qeenoo aaboochoommon ta aafooch beeyemmone.

Shoddo 89:4

‘Ne yareenaꞌon bulli yemeenoon taatiyemmo taane; ne taatee qeenon shiijjeroo bulliich manjiyemmo taane’ iyoye” ito neene.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 59:21

Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Yibbaatoo 11:21

Ebin ittoshi tuniigaata, Doono Yeeri ittoshi qaabbechinaꞌoyich imma wogeꞌi bi gibenikkiti showooch ittoshinaa ittoshi bushiisheenaꞌona meeti yemeenoon beeyemmo ittoshine. Shimaayoo showee toommooch bi beemmi wottoon arooch beeyemmo ittoshine.