Shoddo 86:11 - Kafa Linguistics Project

¹¹ Doono Yeero, neech gibeneyoona ta beeyemmoyich, ne gommon taach dojjibe; mulloon guttiyaanoon neen ta shattemmoyich tuniibe.

Shoddo 86:11 ပူးပေါင်းရင်းမြစ်များ

Iyoobi 34:32

Taach bekkeyaani ta axaaxoon taach arichiibe; xuꞌecho ta tunegaata, ebiyee gubb illa cuuqqoye’ bi getigaata gaawiye.

Shoddo 119:30

Iberee gommon kaacceto taane; ta mulloon ne sheeroo waan wochito taane.

Shoddo 119:33

Doono Yeero, ne qociyoon taach dojjibe; tawoo ciirooch beddaahaa quyemmo taane.

Shoddo 119:73

Taan hallii shuuneto, ne kishoone; ne geteenaꞌon ta doyemmoyich taan shalligecho tuniibe.

Shoddo 25:12

Doono Yeerin shattiibeeti asho konine? Bi qaawiti gommona biin dojjemmone.

Shoddo 26:3

Ebiyoo ne shoodo ta aafooch bi tunetoyichiye; neen gibenoona shaaddehoye.

Shoddo 27:11

Doono Yeero, ne gommon taach dojjibe; ta etteenaꞌochi naboyich tate gommona taan yaabibe.

Shoddo 5:8

Doono Yeero, ta etteenaꞌo taan koyi wochaachemmoyich, ne cadiqittinoona taan yaabibe; ne gommonoo ta aafooch kaachibe.

Hosee'i 10:2

Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.

Hosee'i 14:8

Efreemo, shahalleenaꞌoonaa taannon amo daniihe? Ne qolloon waayaabeeto, neenoo shiimaabeeto, taane; ta, waarwaariibeeti ciidee mixoommo taane; ne aafeebeeto taannane” iye.

Sofoniyaasi 1:5

Kechi toommooch kechiichii aabeyich, ageneenaa xojjenoonoyich goyinnee beetinaꞌon aalliyemmo taane. Doono Yeeri taach goyinnee ta shigoona wogeechii, hammii Milikoomi getteebeeti nuggishoochi shigoona wogee beetinaꞌonoo aalliyemmo taane.

Milikiyaasi 2:6

Biyoo ibere mooyon asheenaꞌoyich dojjiye; koote mooyon yibbaatee ariyaanoone. Taanna tookkii diggoona, kaamittinoonoo beehe; meeti asheenaꞌonoo axaaxoochee wochiye.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

1 Qorontoosi 10:21

Doono Yesuus Kiristoosichi xoofoochee uyibee, yinneenaꞌo xoofoochee wotta uyon hakkaachote; Doono Yesuus Kiristoosichi madoochee maabee, yinneenaꞌochi madoochee wotta mamon hakkaachote.

1 Qorontoosi 6:17

Tunebaani Doono Yesuusina tookkii ikkotteti uro bi ayaanoona Yesuusina tookkii ikkottetone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

Efesooni 4:21

Iberoon biichon waayeto ittoshine; Yesuus waan beeti iberoon biinna tuneꞌi doyito ittoshine.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

2 Yowannisi 1:4

Nihoo Yeeri nooch gettitoommon ne bushiisheenaꞌo daggoochee ikkikkeenaꞌo iberoona shaꞌee beetinaꞌon ta danetoyich, oogichaa emirito taane.