Shoddo 85:12 - Kafa Linguistics Project

¹² Doono Yeeri gaawe mooyon immemmone; no showee maayoon immemmine.

Shoddo 85:12 ပူးပေါင်းရင်းမြစ်များ

Shoddo 67:6

Showee maayoon immahane; no Nuggishoo Yeeri noon diiriye.

Shoddo 72:16

Showoo bulliich maayo oogichi woddebe; gocheti maayo guudinaꞌo toommoochaa yaaddebe. Libanoosi guudeexi maayoochoommon aafebe; katemooch beetoo gaddeexi mocoochoommon hubbimibe.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 45:8

“Shimaayeenaꞌote, cadiqoon dambee kindiibote; gumeenaꞌo amiyochoommon dichibeete; showoo qecheebe; wodoonaa cadiqoona collebe; Doono Yeeri ta ebin hallito taane.

Leweenaꞌo 25:19

Showoo maayoon shakkiyemmone. Ittoshiyoo maaree michemmo ittoshine; aroochoo keqqaalloon diggoona beeyemmo ittoshine.

Leweenaꞌo 26:4

amiyon bi goori gooroona ittoshich dichemmo taane. Showoo maayoon shakkiyemmone; mixinaꞌoo aafoon aafemminaꞌone.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

Maatiyoosi 13:23

Qeemi showooch holliti yaroon shaahii beetinaꞌo, Yeerichi qaaroon waayeꞌi shalligii beetinaꞌone. Boonoshiyoo aafoon aafemminaꞌone; ikkoo balle aafoon, ikkoo shiche aafoon, ikkoo shaashe aafoon aafemmone” iye.

Maatiyoosi 13:8

Baroo wotta qeemi showooch holliꞌi collehe; diccii kechiꞌinoo aafehe; ikkoo balle aafoon, ikkoo shiche aafoon, ikkoo shaashe aafoon aafehe.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 21:20

Hini are geeneenaꞌo ebin waayeꞌi Yeerin galleteheete. Phawuloosichoo ishichiyeete: “Manoocho, Ayihudeenaꞌo daggoochee boonoshi mulloon Yesuusi toommooch tooꞌiitinaꞌo ambiche humeenaꞌo gaata beeggaabeeto neene; boonoshi bulli Muusichi Sheeroyich qanaatee beetinaꞌone.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.