7 Boonoshiyoo giide giide hammemminaꞌone; nuggisheenaꞌochi Nuggishoo Tsiyoonaa bekkemmone.
Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.
Yerusaaleme, no baateenaꞌo ne xaqqee uxeree kelleenaꞌooch shaggitinaꞌone.
Ta kashe Yeerin, beeyechi Nuggishoon shachewehane; hamiree Yeeri aafoon ta beeggemmo aatane?
Ne bekkoonaa ne iberoonon deejjibe; boonoshiyoo taan yaabibeete; ne beemi xaaꞌoo tuneti, ne yaafe geppooch taan daambeete.
Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.
Tunebaani Doono Yeerin gibenoona quyee beetinaꞌo, boonoshi giidoo andiremmone; booyochoommon qoshoona yoobbemminaꞌone; woccemminaꞌone, taahachemminaꞌone; hammemminaꞌone, maraateyaachemminaꞌone.
Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.
Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.
Quyechinaꞌo Efreemi geppeenaꞌoochaa, ‘Ittoshi waataa, Tsiyoon, no Nuggishoo Doono Yeer waan keyone’ getiree boonoshi cookemmi aabo woyemmone” iye.
Boonoshinaa ta geppee guudooch beeti xaaꞌeenaꞌonon diiremmo taane; amiyon bi goori gooroona dichemmo taane; ebiyoo diiree amiyon boonoshich tunemmone.
Aroyee gubb, Yerusaalemin waa kochiti aageteenaꞌo daggoochee, qitoochee muriccitinaꞌo bulli Taatoo, Beshe Mawe Doono Yeerich goyinnoonaa Bashee (Yambaaree) Baaroon baaroonoyich, nati natooch woyemminaꞌone.
Bi toommooch meettiꞌi bekketi wojjoochee no bulli wojjee toommooch wojjoon deqqeto noone.
Hammaꞌa xaaꞌoon ittoshich ta qanniitoyee gubb, ta beetooch ittoshi tunemmoyich wotteree waa ta waan ittoshin daammemmo taane.
Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.
Taan wochetochi daaggoo, taach bi immitoochee ikkoonolla ta aalliyaachemmonaa ciireexi aabooba qitoochee ta tiijjemmonoyichiye.
Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.
“Natooch keejje wottoon, ebiyoo Shittoo Giyaani Kochi Baarooba, Maayi Qeci Baaroobinaa Bashee (Yambaaree) Baaroobinooch, Israꞌeelee asho tuneti anaamo bulli ne Nuggishoo Doono Yeeri kaacciti xaaꞌooch, bi aafooch giddebe. Doono Yeeri aafooch shokke kishoon giddaayeete.
Aroyee gubb batt kashoona beeti no, yongee toommoochaa Doono Yesuusina danoyich, boonoshina tookki tiijjaa quboona hammemmo noone; ebiyoommon bulli aaboon Doono Yesuusina tookki beeyemmo noone.
Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.