Shoddo 84:4 - Kafa Linguistics Project

⁴ Bulli aaboon shoddoona neen galleteebee, ne kexooch beetinaꞌo diireetinaꞌone.

Shoddo 84:4 ပူးပေါင်းရင်းမြစ်များ

Shoddo 145:21

Ta, Doono Yeerin bulli aabooch galletemmo taane; bi hallito bulli yaafe bi shigoon bulli yemeenoon galletebe.

Shoddo 23:6

Ta kashee yemeeno bulliich, ne deꞌittinoonaa shoodoona taanna tookki tunemmone. Doono Yeerichi kexooch bulli yemeenoon beeyemmo taane.

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shoddo 42:11

Ta kasheene, ne ayinaabeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon galletemmo taane.

Shoddo 42:5

Ta kasheene, ne ayiniibeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechon wochinnoon galletemmo taane.

Shoddo 5:3

Doono Yeero, maaddoona ta qaaroon waayehine; maaddoona ta qolloon ne waan giddiyaachaa, quyaa beehoye.

Shoddo 65:4

Ne kaacceti asho, ne addibaabooch bi beeyemmoyich, ne waan ne katichiti asho, diireetone. Nowoo ne kexeexi gaawe mooyona, ne yaafee kexeexona michemmo noone.

Shoddo 71:15

Ta ariyoyee damboo bi tunetaanoona ta noonoo ne cadiqittinoon, ne wodiyoonoo heeyo bullin yibbaatemmone.

Shoddo 71:8

Ne galleto ta noonooch ceennitone; heeyo bullin ne oogoon awaajjemmo taane.

Yaaꞌoo 7:15

Ebich, Yeerichi taatee qeechi aafooch beechii, areddoonaa xumoonon yaafe bi kexoochaa biich maddee beetinaꞌone; taatee qeenooch kotetoo boonoshi toommooch yiiroo tunemmone.