Shoddo 80:13 - Kafa Linguistics Project

¹³ Kubbi gudininaꞌo neexxii koteheete; kubbi cooxinaꞌo maaheete.

Shoddo 80:13 ပူးပေါင်းရင်းမြစ်များ

2 Taateenaꞌo 17:20

Doono Yeeri Israꞌeelee shiijjeroo bullin qajjiye; boonoshinoo xuuxiihe; bi aafoochee boonoshin bi yookkimmi wottoon, boggechinaꞌo kishooch boonoshin beshiiꞌi immiye.

Shoddo 89:42

Bi etteenaꞌo bi toommooch sharemmoyich tuniihine; bi etteenaꞌo bulli emiremmoyich tuniihine.

Isiyaasi 5:5

Ta woyinee goyee toommooch ta tuniyemmi mooyon ittoshich getona; uxeroon waaxxemmo taane; xaqqee uxeroonoo happemmo taane; kubbi cooxo aalliyemmonaa kuppemmonoyich tuniyemmo taane.

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Erimiyaasi 5:6

Boonoshi axaaxoo bi woddetoyich, Yeerinoo boonoshi qajjitoyich, daaheroo kubboochee keyiree boonoshin tiichemmone; barahee okeroo boonoshin kuutemmone; maahoo boonoshi katemooch ottemmone; aroochee kechiibeeto bullin yangixxemmone.

Erimiyaasi 51:34

Tsiyoon beetinaꞌo: “Baabloonee taatoo Nabukadinatsori noon maahe; noon yiikkehe; shokkaache qiicoommon noon tuniihe; dareboochoommon noon qooxxiye; shaawi no maayoona bi eriboon ceechiye; aroocheenoo noon maach aapphiye. No toommooch, no xibeenaꞌo toommoochoo tuneti xuꞌo Baablooni toommooch tunebe” gettemminaꞌone. Yerusaalemi beetinaꞌo: “No damoo Kalidee asheenaꞌo toommooch tunebe” gettemminaꞌone.

Erimiyaasi 52:7

Katemee uxeroo gaakkeehe; Baabloonee ginee naayinaꞌo katemee guudoona boonoshi beetaa, taatoo bi ginee naayo bullina tookkii xumoona katemoochee muricciꞌi, gutte uxeree danooch beeti kelloona kechii, taatoochi bechee michi gaꞌoona besheꞌi Yoordaanoosi bamboo waan hammiye.

Hiziqeeli 19:12

Tunebaani ebi woyino kaaroona waachehe; showoochoo duppehe. Aabi-keyo waani yongoona shuuqqiye; bi aafoo shekirehe; kupphe bi ateenaꞌoo shuuqqiyeete; qaaqqoo boonoshin maahe.

Naahoomi 2:3

Ginee anaaminaꞌochi gaachoo ceelloone; ginee naayinaꞌo ceelle tahoon tahetinaꞌone; Nanawin kocha qannii beetinaꞌone; boonoshi gaari qaaqqoo aaxxoommon aaxxee beetone; boonoshi haresheenaꞌo nagixii beetinaꞌone.