Shoddo 75:3 - Kafa Linguistics Project

³ Showoonaa areexi asho bullina qewegaata, bi tuugeenaꞌo manjemmoyich tuniyaabeeto taane.

Shoddo 75:3 ပူးပေါင်းရင်းမြစ်များ

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

Isiyaasi 24:19

Showoo tiishee gaahehe; showoo qewehe.

Isiyaasi 49:8

Doono Yeeri ishichiye: “Shucheti aabooba neech wochemmo taane; wodiyee aabooba neen gaachemmo taane; neenoo quyemmo taane; showoon wochi ne shuunemmoyich, ashaalli shokkoo echeti showoon ne qoodemmoyich, wogoon neen tuniiya asheenaꞌoyich immeto taane.

Hibireena'o 1:3

Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

1 Saameeli 18:7

Genneenaꞌo duubbiibee, “Saaꞌooli humeenaꞌon wuxiye; Daawiti aashire humeenaꞌon wuxiye” ii boonoshinaa boonoshina shoddee beeheete.

1 Saameeli 2:8

Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.

1 Saameeli 25:28

Ta doono ne, Doono Yeerichi koyoon ne koyaa beetoyich, Doono Yeeriyoo meeti yemeenoon beeyemmi taatittinoon ta doono neech immemmone. Ebich ne gonnee ta xuꞌoon maaribe. Ne beemi yemeeno bulliichoo gondo ne waanee danaaye.