Shoddo 73:24 - Kafa Linguistics Project

²⁴ Ne ciicoona taan yaabihine; ciiroochaa, oogoona taan daammemmo neene.

Shoddo 73:24 ပူးပေါင်းရင်းမြစ်များ

Shoddo 16:7

Taan ciicciti Doono Yeerin galletehoye; xumoonona ta mullo taan dojjii beetone.

Shoddo 25:9

Boonoshi qelloon giishii beetinaꞌon kaame gommona yaabiye; boonoshichoo bi gommon dojjiye.

Shoddo 32:8

Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.

Shoddo 48:14

Ebi Nuggishoo bulli yemeenoon no Nuggishoone; bulli yemeenoon noon yaabemmone.

Shoddo 49:15

Tunebaani Yeeri ta kasheen qitee kishoochee shiweree, bi waan daammemmone.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shaahiyoo 8:20

Ta shaꞌaabeeto cadiqee gommonane; ta boocho dayinnetee boochoone.

Isiyaasi 30:21

Gommon muricciꞌi yoocha, qanna ittoshi getigaata, ittoshi gubbaa, “Gommo hinine; ebina hambote” ii beeti qaaroon waayemmo ittoshine.

Isiyaasi 48:17

Ittoshin Biishee Wodiyechi Israꞌeelee Yaafoo, Doono Yeeri ishichiye: “Neech gaaccemmon neech dojjaabeeti, ne hammaabeeti gommooch neen yaabaabeeti, ne Nuggishoo Doono Yeeri taane.

Isiyaasi 58:11

Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.

Isiyaasi 58:8

“Ebin ittoshi tuniigaata, ittoshi bekko haree aaboochoommon kechemmone; ittoshi wodoo kaate shaggemmone; ittoshi cadiqo ittoshi aafooch shiichemmone; Doono Yeerichi oogo ittoshi gubbaa tuneree ittoshin quyemmone.

Haddoo 9:22

Qubo gutte qemon tuneba ikke agenoon, woyee ikke naton duukkaanee toommooch bi yagigaata, Israꞌeeleenaꞌo qaxiraanoon boonoshi kaambooch kotee beeheete; tunebaani bi tiyiyooba, qaxirii beeheete.

Luqaasi 11:13

Gondo ittoshi tunetaanoona, ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich Yaafe Ayaanoon am shaahoon beshaa beshiiree immehe!” iye.

Luqaasi 23:46

Yesuusiyoo oogichii cookiꞌi, “Ta Nihoocho, ta kasheen ne kishooch beshii immeto taane” iye. Ebin bi gettimmona, bi kasho abbetehe.

Yowannisi 14:3

Hammaꞌa xaaꞌoon ittoshich ta qanniitoyee gubb, ta beetooch ittoshi tunemmoyich wotteree waa ta waan ittoshin daammemmo taane.

Yowannisi 16:13

Tunebaani iberoon bekkiibeeti Ayaano bi waahooba, iberoo bulliich ittoshin yaabemmone. Bi waayeton baach gettehalli, bi qellee aalloona getaachemmone; woyemmi mooyon ittoshich gettemmone.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yowannisi 17:5

Ta Nihoocho, alemo halleyaan beetaa, neenna tookkaa ta beehooba taan ne oogiyoommon andoo ne beetoochaa taan oogiibe.

Mishiraachechinaꞌo 7:59

Arooba Isxifanoosi xaqqoona yexxeebee, “Ta Doono Yesuuso, ta kasheen deꞌe” iꞌi qollehe.

2 Qorontoosi 5:1

Bashoommi hini showeexi no kexo, ebiyoo no meeno, bi happee gaata, ashi kishoona shuuneyaani, bulli yemeenee kexo, ebiyoo Yeeri haggiti kexo, shimaayooch nooch beemon ariibeeto noone.

Yibbaatoo 18:2

Boonoshi maneenaꞌo daggooch iristo boonoshich beetaachemmone. Boonoshich bi gettitoommon, boonoshi iristo Doono Yeerine.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.