Shoddo 73:1 - Kafa Linguistics Project

¹ Boonoshi mullo xalloo tuneti Israꞌeeleenaꞌoyich, iberoochaa Yeeri gaawetone.

Shoddo 73:1 ပူးပေါင်းရင်းမြစ်များ

1 Kiinoo 15:17

Ebich Leweenaꞌo Yoꞌeeli bushoo Hemaanin ukkiriiheete. Bi maneenaꞌoocheenoo Beraakiyi bushoo Asaafin, boonoshi manoo Meraari yaroochee, Kushaayi bushoo Etaanin ukkiriiheete.

1 Kiinoo 16:37

Qemi qemoyich bi qoceetoommon, Asaafinaa bi maneenaꞌona Doono Yeerichi taabootee aafoochaa bulli aaboon boonoshi maddemmoyich Daawiti tuniihe.

1 Kiinoo 16:7

Ebi galletee shoddoon Doono Yeerich boonoshi shoddemmoyich Asaafinaa bi maneenaꞌonon batti batt Daawiti kaaccito ebiyoobane.

1 Kiinoo 6:39

Bi qanne badd neexeto bi manoo Asaafine. Biyoo Lewi bushoo, Gerishooni bushoo, Yahaati bushoo, Shimeꞌi bushoo, Zimaahi bushoo, Etaani bushoo, Adaayi bushoo, Zaari bushoo, Etaani bushoo, Malikiyi bushoo, Baꞌaseyi bushoo, Mikaꞌeeli bushoo, Shimeꞌi bushoo, Beraakiyi bushoone.

2 Kiinoo 29:30

Taatoo Hiziqiyaasinaa bi iraasheenaꞌona Leweenaꞌona kooreeti, Daawitinaa yaaꞌechi Asaafina kichiti galletee shoddeenaꞌon shoddoona Doono Yeerin boonoshi galletemmoyich, gettiyeete. Boonoshiyoo emiroona shoddee galleteheete; yittiꞌinoo goyinneheete.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 24:4

Bi kishoo, bi mulloo xalloo tuneto, shahalloyich goyinneyaanoonaa kootoon wogeyaanoonane.

Shoddo 42:11

Ta kasheene, ne ayinaabeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon galletemmo taane.

Shoddo 50:1

Giidechi Nuggishoo Doono Yeeri gettiye. Aabi keyoochee aabi gimmooch beddaahaa ashoon ceeggiye.

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Shoddo 73:18

Boonoshin giinniibeeti xaaꞌooch kotiihine; dihi boonoshi aallemmoyich tuniihine.

Shoddo 83:1

Yeero, cikki qajjaahine; Yeero, amoonolla tuniyaanoon cikki koteyaahine.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Maatiyoosi 5:8

Mulli xalleenaꞌo diireetinaꞌone; Yeerin boonoshi aafoona beeggemminaꞌone.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

Roomi 4:16

Ebich sheeroyich hajjeeꞌi beetinaꞌo ikkeetinaꞌoyich baach tuneyaanoon, Abrahamichoommon mulloon tooꞌiiti bi yareenaꞌo bullich wotta gibenee qaaro manjemmoyich, are gibenoo Yeerichi wojjoommo bi tunemmoyich, Yeeri toommooch mullee tooꞌiyoonane bi daneebeeto. Ebich biyoo “Meeti aageteenaꞌoyich nihoon neen tuniihoye” getaa bi kooreetoommon, qititinaꞌoyich kashoon immiibeeti, aalloonoo beeto tuniiꞌi neechiibeeti, bi toommooch mulloon bi tooꞌiiti Yeeri aafoochaa no bulli nihoone.

Titoosi 3:5

noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.