Shoddo 72:16 - Kafa Linguistics Project

¹⁶ Showoo bulliich maayo oogichi woddebe; gocheti maayo guudinaꞌo toommoochaa yaaddebe. Libanoosi guudeexi maayoochoommon aafebe; katemooch beetoo gaddeexi mocoochoommon hubbimibe.

Shoddo 72:16 ပူးပေါင်းရင်းမြစ်များ

1 Taateenaꞌo 4:20

Yihudee asheenaꞌonaa Israꞌeeleenaꞌona baharee gasheexi qacoochoommon meettiyeete; maa uchiibee emiroona beeheete.

Iyoobi 5:25

Ne shiijjeroo meettemmone; ne yoodo mocee waamo woddoommon woddemmone.

Iyoobi 8:7

Aafi ne beemo giishecho bi tunetaanoona, ebiyee gubbi ne beemo oogichi mashaamemmone.

Shoddo 104:16

Doono Yeerichi mixinaꞌo, bi bechiti Libanoosi yigeenaꞌo bede amiyon daneheete.

Shoddo 72:6

Taatoo, mocoo gacceeti gaddooch dihiibeeti amiyoommon, showoon shuxiibeeti amichi kuchoommon, tunebe.

Isiyaasi 29:17

Giisheche aaboyee gubb Libanoosi kubbo goyee budon tunemmone; goyee budoo kubboommon tunemmone.

Isiyaasi 30:23

Showooch ittoshi shookkiti yaroyich amiyon dichemmone; showoochee daneebeeti aafo gaawetonaa beshaa beshoona tunemmone; ebiyooba ittoshi gijjeenaꞌo gamini gaddooch maayemminaꞌone.

Isiyaasi 32:15

Ebi tunemmo, dambee no toommooch Ayaano ufemmi wottoon, barahoo qeemi showoon tunemmi wottoon, qeemi showoo shaaroon shaahimmi wottooniye.

Isiyaasi 32:20

aachi gashooch yaroon shookkiibeeti ittoshi, gatteenaꞌonaa kureenaꞌonon mocechi gaddooch gashee maanjiibeeti ittoshi, diireeto ittoshine.

Isiyaasi 35:2

Barahoo woddii bungemmone; emiroona, shoddoonoo wucwuccemmone; Libanoosi oogo, Qermeloosinaa Shaarooninochi oogo biich ichemmone. Doono Yeerichi oogoon, no Nuggishoochi oogee yiiroon beeggemmone.

Erimiyaasi 33:22

Ta guuno Daawitichi yaroonaa taach maddeebeeti Leweenaꞌo tuneti qeesheenaꞌonon haddaa hakkeyaani xojjenoomminaꞌonaa qeellee hakkeyaani baharee gasheexi qacoomminaꞌonon tuniyemmo taane” iye.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 4:4

Tunebaani Yeerichi qaaroon waayetinaꞌo daggoochee meetinaꞌo boonoshi mulloon Yesuusi toommooch tooꞌiiheete. Yesuusi toommooch mulloon tooꞌiiti anaaminaꞌo aafichinaꞌona tookkii uuche hum bedoon tuneheete.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.

Yaaꞌoo 7:9

Aroyee gubb ciinneho; areegaata aagetoo bulliichee, ashi yoodo bulliichee, ashi yaroo bulliichee, asho yibbaateebeeti noonoo bulliichee kiceeti, haddaa ciyaani dofee asheenaꞌon beeggeho. Nacce tahoon tahee yeebbee waamon yechiꞌi taatee qeenonaa Bagoonochi aafooch neexeheete.