Shoddo 72:10 - Kafa Linguistics Project

¹⁰ Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Shoddo 72:10 ပူးပေါင်းရင်းမြစ်များ

Halloo 10:7

Kushi bushiishoo: Seebi, Hawili, Sabiti, Raꞌiiminaa Sabitekinane. Raꞌiimi bushiishoo: Sheebinaa Dedaaninane.

1 Taateenaꞌo 10:1

Sheebee taatee Doono Yeeri Solomoonich immiti worganikkiti shalligoon waayaꞌa, turitoona biin phireya waahan.

1 Taateenaꞌo 10:10

Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi dofee qimaamo aroyee gubb ciroona waataanoone.

1 Taateenaꞌo 10:2

Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan.

1 Taateenaꞌo 10:25

Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.

2 Kiinoo 9:21

Taatoyich Kiraamichi asheenaꞌona tookkii Tarisheshee showooch hammiibeeti markabeenaꞌo beetinaꞌone. Ebi markabeenaꞌo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

Asteeri 10:1

Taatoo Yekisesi showee toommo bulliich beeti asheenaꞌonaa baharee gasheexi showooch beddaahaa beeti asheenaꞌona daakkiree gibiroon boonoshi qoccemmoyich tuniihe.

Shoddo 45:12

Xiroosee asheenaꞌo wojjoon neech deebemminaꞌone; gaannechinaꞌoo gaawe aafoona boonoshin ne ciinnemmoyich qaawemminaꞌone.

Shoddo 68:29

Yerusaalem beeti ne yaafee kexoyicha getiree, taateenaꞌo wojjoon neech deebemminaꞌone.

Shoddo 68:30

Kohee daggooch beeti cooxoommi showoon noggebe; maaminaꞌonaa gubbeneenaꞌonon shaahiibeeti taatee showeenaꞌon, noggebe. Bulliyona yitiree boonoshi birewoon neech boonoshi giddiyemmoyich tuniibe; koyoona emiriibeeti macceenaꞌon shace.

Isiyaasi 42:10

Doono Yeerich andire shoddoon shoddebote; bi galletoon showee toommo bulliichaa shoddebote. Baharee toommona shaꞌee beetinaꞌo bulli, baharee daggooch beeti halleenaꞌo bulli, galletebote. Baharee gashooch, buure showoonaa arooch beetinaꞌonote, shoddebote.

Isiyaasi 42:4

Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.

Isiyaasi 43:3

Israꞌeelee Yaafoo ne Nuggishoo Doono Yeeri ta, neen Wodiyecho taane; neen biishoyich Gibitsin immemmo taane; ne qoodoyich Topphiyoonaa Seebinon immemmo taane.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 60:3

Aageteenaꞌo ne bekkooch, taateenaꞌo ne haree gaargaarooch woyemminaꞌone.

Isiyaasi 60:6

Miidiyaminaa Efaahinoochee waati, bushe dofee gaaleenaꞌo ne showooch ceennemminaꞌone; bulliyona Sheebee woyemminaꞌone; aachoonaa ixaanoonon deebemminaꞌone; Doono Yeerichi galletoon awaajjemminaꞌone.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Maatiyoosi 2:11

Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.