1 Yeero, taatoo dayinnetoona nallemmoyich, taatoochi bushoo cadiqoona bi qeejjemmoyich, hakkoon imbe.
Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,
Qeeshoo Sadooqiyoo zayitee xoofoon danee duukkaanoochee deebiꞌi, Solomoonin huuttiye; tiroon huggiyeete. Asheenaꞌo bulliyoo “Taatoo Solomooni hume naton taatebe!” iyeete.
Ebich gondoonaa deꞌoonon bariiree, ne asheenaꞌon qeejjoo ta hakkemmoyich, ne guuno taach shalligechi mulloon imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.
Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.
tunebaani diggee asho tunemmi bushoo neech shiijjemmone; bi guudoona beeti bi etto bulliichee biin kashiyemmo taane; bi taatee yemeeno bulliich Israꞌeeleenaꞌoyich diggoonaa tooqqii kashoonon immemmo ta tunetoyich, bi shigo Solomooni getteyemmone.
Ne geteenaꞌon, ne qociyoonaa ne doyoonon bi quyemmoyich, ta qanniiti qiiceenaꞌona yaafee kexon bi haggemmoyichoo ta bushoo Solomoonich ceeni mulloon imbe” iye.
Hini asheenaꞌon qeejjoo ta hakkemmoyich shalligoonaa ariyoonon taach imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.
Doono Yeeri kexon hago qayigaata, haggechinaꞌo aayo duuboone; Doono Yeeri katemoon quyo qayigaata, quyechinaꞌo tokketaalli aafoon haroo gaacaalloone.
Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.
Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.