Shoddo 71:6 - Kafa Linguistics Project

⁶ Ta shiijjoochee tiijjaꞌa neenna degeehoye; ta indee maacoochee ta shiijjemmoyich tuniito neene; bulli aaboon neen galletoye.

Shoddo 71:6 ပူးပေါင်းရင်းမြစ်များ

Shoddo 22:11

Xuuxo ta waan katinnitoyich, taan gaachemmo bi aalletoyich, ta waanee wokkaahine.

Shoddo 34:1

Doono Yeerin bulli aaboon galletemmo taane; bi galletoon ta noonoochee kuxaachemmo taane.

Shoddo 40:4

Doono Yeerin gibeneebeeto, koote nuggisheenaꞌon dabbiibeeti geecechinaꞌo waan wotteyaani asho, diireetone.

Shoddo 71:14

Tunebaani ta, bulli aaboon neen gibenemmo taane; beshaa beshoon neen galletemmo taane.

Shaahiyoo 8:17

Taan shunnii beetinaꞌon shunnehoye; kupphiiꞌi taan qaawii beetinaꞌo taan danemminaꞌone.

Isiyaasi 49:1

Baharee gasheexi buure showooch beetinaꞌote, ta waanee ellebote; wohi showooch beeti aageteenaꞌote, waayebote: Doono Yeeri, ta shiijjeyaan beetaa, taan ceeggiye; ta indee maacooch ta beetaa, taach shigoon shigiihe.

Isiyaasi 49:5

Doono Yeeri aafoochaa oogoon daneto taane; ta Nuggishoo taach giidoon tunetone; batt ta indee maacooch ta beetaa, bi guuno tuniiꞌi taan kaacciti, Yaaqobin bi waan ta deebemmoyich, Israꞌeelin bi waan ta kicemmoyich tuniiti, Doono Yeeri ishichiye: “Yaaqobichi yoodeenaꞌon wochaa ne tiijjoo, muriccii woditi Israꞌeeleenaꞌon ne wochoo, ebi baach ta guuno neech bedaache; aageteenaꞌoyich neen ceechoo ta tuniitaa, showee toommo bulliich ta wodiyoon bechemmo neene” iye.

Erimiyaasi 1:5

“Ne indee maacooch neen ta halloyee shiichaa neen ariito taane; ne shiijjoyee shiichaa neen yaafito taane; aageteenaꞌoyich keemecho neen tuniito taane” iye.

Erimiyaasi 3:4

“Andoo ‘Ta nihoocho, bushittinee ta xiboocho!’ iyaa taan ceeggehine.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Efesooni 5:20

Tuneti mooyo bullich bulli aaboon no Doono Yesuus Kiristoosi shigoona Nihoo Yeerin galletebote.