Shoddo 71:16 - Kafa Linguistics Project

¹⁶ Nuggishoo Doono Yeero, waaree, giidechi ne shuunoon awaajjemmo taane; cadiqo ne baach tunoon awaajjemmo taane.

Shoddo 71:16 ပူးပေါင်းရင်းမြစ်များ

Shoddo 106:2

Doono Yeerichi ooge shuunoon koni hakki getteehe? Bedoona biin galletoon hakkemmo konine?

Shoddo 29:11

Doono Yeeri bi asheenaꞌoyich hakkoon immemmone; Doono Yeeri bi asheenaꞌon diggoona diiremmone.

Shoddo 51:14

Taan Wodiyechi Nuggishoo Yeero, damee ukkee gondoochee taan wodiibe. Taan ne wodiyoon ta qaaroon oogichiree shoddemmo taane.

Shoddo 71:15

Ta ariyoyee damboo bi tunetaanoona ta noonoo ne cadiqittinoon, ne wodiyoonoo heeyo bullin yibbaatemmone.

Shoddo 71:19

Yeero, ne cadiqittino shimaayooch shagoone; ogooge mooyon tuniito neene; Yeero, neenoommo konine?

Shoddo 71:2

Ne cadiqittinoona taan wodiibe; taan shiwebe; ne waamon ta waan gaꞌiibe; taanoo wodiibe;

Shoddo 71:24

Ta iriteyoon qaawitinaꞌo, boonoshi yeelletoyich, cooneetoyichoo, heeyo bullin, ne cadiqittinoon yibbaatemmo taane.

Isiyaasi 26:13

No Nuggishoo Doono Yeero, neyee bare dooninaꞌo noon hajjitinaꞌone; tunebaani no, ne shigoon baach oogiihone.

Isiyaasi 40:31

Tunebaani Doono Yeerin gibenoona quyee beetinaꞌo, boonoshi giidoo andiremmone; booyochoommon qoshoona yoobbemminaꞌone; woccemminaꞌone, taahachemminaꞌone; hammemminaꞌone, maraateyaachemminaꞌone.

Isiyaasi 63:7

Doono Yeerichi shoodoon, Doono Yeerichi galletoon, Doono Yeeri nooch tuniito bullin, bi ariqqoon, oogeti bi shoodoonoo, Israꞌeeleenaꞌoyich bi deeti deꞌoon, gettemmo taane.

Zakaariyaasi 10:12

Doono Yeeri ta, boonoshin kupphiyemmo taane; ta shigoonoo giyi kechemminaꞌone” iye Doono Yeeri.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

Roomi 10:3

Ashoon Yeeri aabichiree bi cadiqiyemmo gaata tuushiichii, boonoshi qelli shuunoona cadiqoyich qaawiꞌi Yeer waanee daneebeeti cadiqoyich hajjeyaaneenaꞌone.

Roomi 3:21

Tunebaani and Muusichi Sheeroonaa keemechinaꞌona miixeeti, Yeer waanee daneebeeti cadiqoo bekketone; ebi cadiqoo Muusichi Sheeroon ceechii quyoona danemmo toonoone.

Efesooni 3:16

Maaci ittoshi ashittino manjemmoyich, Yeeri worganikkiti bi oogoochee bi Ayaanoona giidoon ittoshich bi wojjemmonaa Kiristoosi bi toommooch ittoshi mullee tooꞌiyoona ittoshi mullooch bi beeyemmonoyich, corootaabeeto taane; Yeerinaa ashoonon ittoshi shunnii beetoyich bulli mooyon tuniibee, yaafeenaꞌo bullina tookki Kiristoosichi shunee gamino, gidoo, neexoonaa duchoona ebine getiree ittoshi shalligemmi hakkoo ittoshich bi beeyemmoyich corootaabeeto taane.

Efesooni 6:10

Illa and, Doono Yesuusinaa bi ooge giidoona kupphebote.

Yibbaatoo 33:25

Bi uxeree kellee tuggo xuuroonaa gooshoona tunebe; bi yemeeno bullinoo diggoona beebe” iye.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

2 Tasaloonqi 1:6

Yeeri nallemmi nalloo kaamoone; ittoshin xuuxii beetinaꞌo toommooch xuuxoon wochi gaaccemmone;

2 Ximootiyoosi 2:1

Illa ta bushoochoo, Kiristoos Yesuusina daneebeeti wojjoona kupphebe.