Shoddo 69:35 - Kafa Linguistics Project

³⁵ Ebiyoo, Yeeri Tsiyoonin wodiyemmo bi tunetoyich, Yihudee katemeenaꞌon wochi shuunemmo bi tunetoyichiye. Bi asheenaꞌoo arooch kotemminaꞌone; showoonoo hajjemminaꞌone.

Shoddo 69:35 ပူးပေါင်းရင်းမြစ်များ

1 Kiinoo 16:32

Baharoonaa bi daggooch beeto bullina cookibe; gaddoonaa bi toommooch beeto bullina emiribe.

Shoddo 102:13

Hini, Tsiyooni gaawe aafoona ciichemmi yemeenoone; maacheti aabo shaggitone; tiyiree Tsiyoonich ariqqebe.

Shoddo 102:16

Ebiyoo Doono Yeeri Tsiyoonin wochi shuunemmo, bi oogoonoo bekkemmo bi tunetoyichiye.

Shoddo 145:10

Doono Yeero, ne hallito bulli neen galletehe; yaafeeti ne asheenaꞌo bulli neen diiriyeete.

Shoddo 145:21

Ta, Doono Yeerin bulli aabooch galletemmo taane; bi hallito bulli yaafe bi shigoon bulli yemeenoon galletebe.

Shoddo 148:4

Shimaayoyee dambee shimaayeenaꞌote, biin galletebote; gumoyee dambee aacinaꞌote, biin galletebote.

Shoddo 51:18

Ne daaggoona Tsiyoonich gaawe mooyon tuniibe; Yerusaalemi xaqqee uxeroon wochinnoon uxerebe.

Isiyaasi 14:32

Aageteenaꞌo waanee waabeeti wocheyechinaꞌoyich ama getiree wochibona? Doono Yeeri Tsiyoonin wochinnoon bi shuunoon, iriteeti bi asheenaꞌoo shoobon arooch boonoshi danoon gettemmo noone.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Abidiyi 1:17

“Tunebaani Tsiyooni guudi toommooch, aalloochee muriccitinaꞌo danemminaꞌone; ebi xaaꞌoo yaafe xaaꞌoo tunemmone; boonoshi hajjoo tuneti showoon Yaaqobichi asheenaꞌo wochinnoon woraashemminaꞌone.

Yaaꞌoo 14:1

Aroochee ciinneho; ebiyoche Bago Tsiyooni guudooch neexeꞌi beete; bi shigoonaa bi Nihoochi shigoona boonoshi barooch kooreeti balli aabbaa awudde hume asheenaꞌo biinna tookkii beetinaꞌone.