Shoddo 68:6 - Kafa Linguistics Project

⁶ Yeeri shiqqoon shiishecho tuniyemmone; qoppeenaꞌo biicheree emiroona boonoshi beeyemmoyich tuniyemmone; tunebaani hukkechinaꞌo michiibeeti barahooch beeyemminaꞌone.

Shoddo 68:6 ပူးပေါင်းရင်းမြစ်များ

Shoddo 10:14

Tunebaani ne, ne kishoona gatiyoon qocoyich, ashi xuuxoonaa ayinoonon beeggaabeeto neene; girecho bi qelloon neech aderehe; newoo nihaalloyich gaachoo neene.

Shoddo 107:10

Ikkikkeenaꞌo dunne manderooch koteheete; xuuree qoqqaannoonoo qoqqaanneeꞌi beeheete.

Shoddo 107:14

Manderoochee, dunne manderoocheenoo boonoshin kichiye; boonoshi qoqqaannoonoo boonoshich tiichiye.

Shoddo 107:34

Arooch koteti asheenaꞌochi xummittinee naboona qeemi showoon kiikki barahoo tuniihe.

Shoddo 113:9

Xaafeen bushiishoochi indee tuniiꞌi, emiroona bi kexooch bi beeyemmoyich tuniihe. Haleluya!

Shoddo 146:7

Xukketinaꞌoyich nalliibeeto, shaacetinaꞌoyichoo maayoon immiibeeto, biine. Doono Yeeri qoppeenaꞌon biichiye.

Shoddo 69:33

Ebiyoo Doono Yeeri iriteetinaꞌochi cookoon bi waayee beetoyich, cuyooch beeti bi asheenaꞌon hoxeyaano bi tunetoyichiye.

Shaahiyoo 23:11

Boonoshi Gaachoo kuppho bi tunetoyich, boonoshi qoodoon neenna taggemmone.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Hosee'i 2:3

Ebi tuno qayigaata, biin shooti shokkoon echiiree, bi shiijjehoobiyoommon tuniyemmo taane. Biin barahoommon, shuuꞌi showoommonoo tuniyemmo taane. Shachewoonoo wuxemmo taane.

Milikiyaasi 1:3

Esayin shixxoye. Geppe bi showeenaꞌon barahoo tuniihoye; bi hajjoonoo barahee boqqelleenaꞌoyich beshiyaa immehoye” iye.

Mishiraachechinaꞌo 16:26

Aroochee diqq cuyee kexo shuurimmi wottoon, oogeti showee qewo tunehe. Bekkech cuyee kechi kelleenaꞌo bulli qecheeheete; cuchetinaꞌo bullichi cuyo biishehe.

Galaati 4:27

“Hini shiyaani xaafeene, emiribe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” getaa kooreetone.

Yibbaatoo 10:18

Biyoo nihaalleenaꞌonaa xuumeenaꞌonoyich nallii beetone; noonna tookkii koteti shiqqeenaꞌonoo shunnii beetone; boonoshichoo maayoonaa tahoonon immii beetone.

1 Saameeli 2:5

Michitinaꞌo maayoon mucceꞌi gichetinaꞌone; tunebaani shaacetinaꞌo maayoon michiyeete. Xaafee shabaatte bushiishoon shiyahan; meeti bushiishoon shiyeti bi ikkeeti echahan.