Shoddo 68:17 - Kafa Linguistics Project

¹⁷ Doono Yeeri bi mattiqutte gaarinaꞌona Siinee, bi yaafee kexooch waahe.

Shoddo 68:17 ပူးပေါင်းရင်းမြစ်များ

2 Taateenaꞌo 2:11

Yibbaateebee, qaxirii boonoshi beetaa, diqqoona qaaqqee haresheenaꞌona geecheebeeti qaaqqee gaari boonoshi daggooch giyiꞌi, boonoshin gutta qoodiye. Eliyaasi yuboona shimaajj hammiye.

Shoddo 18:10

Kiruubee toommooch tuneꞌi yoobbiye; yongoochi qoshoona tuneꞌi yoobbiye.

Shoddo 9:12

Damee nichoon gaaccecho boonoshin bi gabii beetoyich, xukketinaꞌochi eefon batteyaache.

Keyo 3:5

Doono Yeeriyoo biich “Hach giddeyaahine; ne neexaabeeti xaaꞌoo yaafeeto bi tunetoyich, caammoon ne baatoochee kichibe” iye.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Hiziqeeli 43:7

Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Hiziqeeli 43:9

Andoo boonoshi yahoonaa qititi boonoshi taateenaꞌoyich boonoshi tuniibeeti mooyonon ta waanee wokkiibeete; tawoo boonoshi daggooch bulli aaboon beeyemmo taane” iye.

Daaneeli 7:10

Qaaqqoo woce aacochoommon, bi aafoochee kechiꞌi ufee beehe. Hume kaallee humeenaꞌo biich maddee beeheete; aashire hume kaallee aashire humeenaꞌoo bi aafooch neexee beeheete. Nallechinaꞌo nalliya koteꞌi, macaafeenaꞌon gaxxiyeete.

Imbaaqoomi 3:8

Doono Yeero, ne kaaremmoyich tuniitinaꞌo aacinaꞌone? Ne kaareto aacinaꞌoniye? Ne kaaree shiixxoon ne kindiito bahareenaꞌo toommoochiye? Ne asheenaꞌo wudoon danemmoyich ne tuniihooba, quboon hareshoochoommon, gaarichoommonoo yebbehine.

Maatiyoosi 26:53

Ebiyoommo gaata, ta Nihoon qollo taan mawemmo neech shaahii beete? Ta qolletaa, bekkech aaraa gutte Legiyoonee maraakeenaꞌoyee beshoon taach deejjeshone.

Yibbaatoo 33:2

Biyoo ishichiye: “Doono Yeeri Siini guudoochee noon gaacheya waahe; aabe keyoommon kechiꞌi, Edoomee showoochaa bi asheenaꞌo toommooch koojjiye; bi bekko Faraani guudoochaa koojjii bekkehe. Aashire hume bi maraakeenaꞌo biinna tookkii beetinaꞌone; bi qanne kishoochee qaaqqoo aaxxehe.

Yaaꞌoo 5:11

Wochinnoon beeggeho; taatee qeechi guudoona beeti kashechi awudde halleenaꞌonaa geeneenaꞌonochi guudoona kiceeti wodde maraakeenaꞌochi qaaroon waayeho; boonoshiyoo haddaa ciyaani humaa xumeenaꞌone;

Yaaꞌoo 9:16

Hareshechi ginee naayinaꞌochi haddoon waayeho; boonoshi haddoo gutte balle hume wottee humeenaꞌone.