Shoddo 65:13 - Kafa Linguistics Project

¹³ Gaddeenaꞌooch bageenaꞌo ceenniyeete; bambeenaꞌoo maayo ceennitinaꞌo tuneheete; boonoshi bulliyoo ililiibee shoddeheete.

Shoddo 65:13 ပူးပေါင်းရင်းမြစ်များ

Shoddo 144:13

No goteenaꞌo bulli maayi yaroona ceeneete; no bageenaꞌo humooch beddaahaa shiyi shiijjereree, no gaddeenaꞌooch humaa xumoon tunebeete.

Shoddo 72:16

Showoo bulliich maayo oogichi woddebe; gocheti maayo guudinaꞌo toommoochaa yaaddebe. Libanoosi guudeexi maayoochoommon aafebe; katemooch beetoo gaddeexi mocoochoommon hubbimibe.

Isiyaasi 30:23

Showooch ittoshi shookkiti yaroyich amiyon dichemmone; showoochee daneebeeti aafo gaawetonaa beshaa beshoona tunemmone; ebiyooba ittoshi gijjeenaꞌo gamini gaddooch maayemminaꞌone.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Erimiyaasi 48:33

Qeemo tuneti Moꞌabee showoochee wucwuconaa emiroona aalletone; woyinee uyo oppoochee bi keyaachemmoyich tuniito taane; duuchecho ililoona duushaachemmone; cookee qaaro waayeetaanolla aroo ililoo toonoone.

Yoꞌeeli 2:22

Kubbi cooxinaꞌote, shattaahote! Gaddeexi moceenaꞌo cammitinaꞌone; mixinaꞌo aafoon aafetinaꞌone; balaasee mixonaa woyinee qomboona woddii aafetone.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

Mishiraachechinaꞌo 14:17

Tunebaani shimaayoochee amiyon dichiibee, maayo aafemmi yarimmoon immiibee, no maayoon abbetiibee, oogichii noon emirikkiibeenoo, Nuggishoo bi tunoon manjiibeeti deꞌe shuunee shuunoon kuxaanoone” iyeete.