Shoddo 62:9 - Kafa Linguistics Project

⁹ Sharaaree ashi yaroo tunoyich gaaco aalloone; ooge ashi yaroo getteyoo kootoone; machoona bi qocceegaata am bedaaneenaꞌone. Boonoshi bulliyona hiinni bedaani ketteenaꞌone.

Shoddo 62:9 ပူးပေါင်းရင်းမြစ်များ

2 Saameeli 15:31

Akixofeeli Abisoloomina tookkii koceetinaꞌo daggoochee ikkoo bi tuno Daawitich getteehe. Daawitiyoo “Doono Yeero, Akixofeeli boyoon duubo ne tuniyemmoyich neen qollehoye” iꞌi corootiye.

2 Saameeli 15:6

Biyoo taatoo waan taggoyich waabeeti Israꞌeelee asho bullich ebin tunii beehe. Ebina Israꞌeeleenaꞌo mulloon bi waan wochiye.

2 Taateenaꞌo 19:14

Hiziqiyaasi koorichoon wocheyechinaꞌo waanee deqqiꞌi shemmehe. Yaafee kexooch daammiꞌi, Doono Yeeri aafooch yaggiye.

Shoddo 116:11

Ta keqqiyooba, “Asho bullin gibeno duuboone” iyo.

Shoddo 118:9

Iraasheenaꞌon gibenoyee Doono Yeerichi shoobooch gimo gaawiye.

Shoddo 142:3

Ta mullo qitiyooba, ta tuniyemmon ne ariihine; ta hammaabeeti gommooch ta etteenaꞌo taach shaachoon shaachiyeete.

Shoddo 39:11

Ashoon bi axaaxoyich noggaa naxehine; bi shuni mooyon piloochoommon aalliihine; iberoochaa asho bulli hiinnoommone.

Shoddo 39:5

Ta yemeenoon ciixi qaton tuniiꞌa qamichihine; ta kashee yemeeno ne aafoochaa am bedaanoone. Iberoochaa ashi kasho hiinnoommone;

Shoddo 46:2

Ebich showoo qewetaa, guudinaꞌo baharee daggooch boonoshi dihitaa, shataachone.

Shoddo 71:7

Meetinaꞌo taan diigitinaꞌone; tunebaani ne, taach manje deebo neene.

Isiyaasi 26:4

Bulli yemeenooch Doono Yeerin gibenebote. Nuggishoo Doono Yeeri, nooch bulli yemeenee deebe xaqqoone.

Isiyaasi 40:15

Ebiyoche aageteenaꞌo baaretooch beeti aachi cotoomminaꞌone; machee toommooch beeti quttoomminaꞌone; buure showeenaꞌonoo quttoochoommon tiijjiye.

Isiyaasi 40:17

Doono Yeeri aafoochaa aageteenaꞌo bulli, mooch haddeyaaneenaꞌone; boonoshiyoo bi aafoochaa am bedaaneenaꞌonaa gaacaalleenaꞌonane.

Daaneeli 5:27

‘TEQEELI’ geto, ‘Machoona qocaa kettoo tunaꞌa daneto neene’ getone.

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.

Yowannisi 19:15

Tunetaa boonoshi “Wokkiibe! Wokkiibe! Yoode!” iibee cookeeheete. Phelaaxoosi “Ittoshi taatoon yoodote?” iye. Qeeshee ukkireenaꞌo “Qesaariyee damba bare taatoo nooch aalloone” iꞌi wochiyeete.

Roomi 3:4

Ciroona echiyaache. “Ne noonoochee kechiibeeti qaaroona cadiqo ne tuno asho bullich bekkemmone; neenna taggee beetinaꞌon xoobiyemmo neene” getaa bi kooreetoommon, asho bulli kooto bi tunetaanoona, Yeeri iberoone.

1 Saameeli 1:15

Haanniyoo ishichaꞌa biich wochiyan: “Ta doonocho, masheyaane taane. Woyinee uyoon woyee mashiibeeti uyoon uyaane taane. Ta, oogeton ayiniti ure ta tunetoyich, ta iritoon Doono Yeerich shooshaaniye ta beeto.

1 Saameeli 18:5

Saaꞌooli biin daachiiti koyee xaaꞌoo bulliichaa Daawitich mooyo kaamee beehe. Ebich Saaꞌooli bi ginee naayinaꞌo toommooch biin iraashiihe. Ebiyoo Saaꞌoolichi iraasheenaꞌonaa asheenaꞌo bullinon emirikkiye.

1 Saameeli 18:7

Genneenaꞌo duubbiibee, “Saaꞌooli humeenaꞌon wuxiye; Daawiti aashire humeenaꞌon wuxiye” ii boonoshinaa boonoshina shoddee beeheete.

1 Saameeli 23:12

Daawitiyoo “Qeꞌilee asheenaꞌo taannaa ta asheenaꞌonon bi kishooch beshii immeheete?” iꞌi wochinnoon echehe. Doono Yeeriyoo “Beshii immemminaꞌone” iye.