Shoddo 62:4 - Kafa Linguistics Project

⁴ Boonoshi gaboo biin bi oogee xaaꞌoochee kindiyoyichiye; kootee kootona emiriyeete. Boonoshi noonoona diiriyeete; tunebaani boonoshi mulloona uppiyeete.

Shoddo 62:4 ပူးပေါင်းရင်းမြစ်များ

Shoddo 119:163

Kootoon shixxehoye; tiyaarehoye; tunebaani ne qaaroon shunnehoye.

Shoddo 28:3

Gonde asheenaꞌona tookki, gondoon shuunee beetinaꞌona tookki, taan geechi daammaahine. Eboshi, boonoshi mullooch maroo beetaa, boonoshi giyeenaꞌona tookkii diggoona yibbaatee beetinaꞌone.

Shoddo 5:9

Boonoshi noonooch iberoo aalloone; boonoshi gaboo aalliyoo baachiye; boonoshi qettoo qecheeti maashee oppoommone; boonoshi heciyoona dawushiyeete.

Shoddo 51:6

Ne, iberoon ne shunnaa beetoyich, mullecho tunoon taach dojjibe.

Shoddo 52:3

Deꞌoyee beshoon gondoon, iberoon yibbaatoyee beshoon kootoon shunnehine.

Shoddo 55:21

Bi yibbaatoo qefoyee beshe aniꞌoone; tunebaani bi gabiibeeto koyooniye; bi qaareenaꞌo zayitoyee beshe nireenaꞌone; tunebaani kaacheti goraadoomminaꞌone.

Shaahiyoo 13:5

Cadiqe asho kooton shixxiye; tunebaani gonde ashi yibbaatoo yeellii cooniihe.

Shaahiyoo 6:17

geecechi aafo, koottiibeeti heciyoo, xalle damoon ukkiibeeti kishoo,

Isiyaasi 30:13

ebi xuꞌo ittoshich, gaaheꞌi diha bedditi, diqqoona kaateꞌi dihiibeeti genje xaqqee uxeroommon tunemmone.

Hosee'i 7:3

Doono Yeeri ishichiye: “Taatoon boonoshi gondoona, ukkireenaꞌonoo boonoshi kootoona emirikkii beetinaꞌone.

Maatiyoosi 2:16

Heroodisi xojjenee hiddechinaꞌo biin dawushoon ariiꞌi oogichii kaarehe; xojjenee hiddechinaꞌon manjii bi echee waayeti aaboon shalligiꞌi, bi ginechinaꞌon daachii Beetilehemi katemoonaa bi katinoonooch shiijjeti gutte natonaa gutte natoyee deshina tuneti gaggere anaami bushiisheenaꞌon wuxiihe.

Maatiyoosi 22:15

Ebiyee gubb, Fariseenaꞌo hammiꞌi, “Aabichiree hini Yesuusin bi yibbaatoon muriciibona?” iꞌi echeeheete.

Maatiyoosi 22:23

Ebi arooba “Qititinaꞌo tiyaachemminaꞌone” ii beeti Saduuqeenaꞌo daggoochee ikkikkeenaꞌo Yesuus waan waaꞌi ishichii echeheete:

Maatiyoosi 27:1

Dechara maaddoona qeeshee ukkireenaꞌonaa showee geeneenaꞌona bulli Yesuusin wuxoyich echeeheete.

Luqaasi 11:39

Tunebaani Doono Yesuusi biich ishichiye: “Farisoo tuneti asho ittoshi bulli xoofoonaa shaatoonochi qeddoon machiyote; tunebaani ittoshi maacooch bogoonaa gonde gaboona ceennitone.

Luqaasi 20:20

Hini are qeeshee ukkireenaꞌonaa Muusichi Sheeree dojjechinaꞌona Yesuusi toommooch nallemmi Yihudee iraashoo kishooch beshiiꞌi imoyicha iꞌi holloon quyeebee, iberoon shaahiibee, bi noonoochee hollimmi gonde mooyon macemminaꞌon bi waan daachiiheete.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Roomi 7:22

Maaci ta mulloona Yeerichi sheeroona emiraabeeto taane.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.