Shoddo 62:12 - Kafa Linguistics Project

¹² Ta Doonocho, shoodo neechone; newoo ashich bi shuuni shuunoommon qoccehine.

Shoddo 62:12 ပူးပေါင်းရင်းမြစ်များ

1 Kiinoo 29:12

Gaannoonaa oogoona daneebeeto ne waaneeniye; newoo bullin hajjito neene; asho koninolla oogiyoyich, hakkoonoo imoyich, hakkoonaa giidoona ne kishoochiye.

Iyoobi 33:14

Asho shalligaachani, Yeeri baribare gommona yibbaatee beetone.

Iyoobi 34:11

Ashi toommooch bi shuuneebeeto bi shuunetoommoniye; bi toommooch bi tuniibeeto, tun bedooniye.

Iyoobi 37:23

Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.

Iyoobi 9:19

Giidoona ta qiicceyaachemmoyich, bi giidechone; tagge ta nalleyaachemmoyich, nallee gabberooch biin giddiyemmo konine?

Shoddo 103:17

Tunebaani Doono Yeerichi shoodo biin shattii beetinaꞌoyich bulli aaboochee bulli aaboochiye; bi cadiqittinoo bushaa bushooch beddaahaa boonoshi toommoochiye.

Shoddo 103:8

Doono Yeeri maarechonaa ariqqechonane; kaaroyich nibbechonaa wodde shoodechonane.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shaahiyoo 24:12

“Ebin ta ariyaache” ne getigaata, mulloon haattiibeeto ebin shalligaachehe? Ne kashoon ciinniibeeti aroo ariyaachehe? Asho bullich bi shuuni shuunoommon qocaachehe?

Erimiyaasi 32:19

Gaboona oogoo, shuunoonoo hakkecho neene; asho bullich bi gommoommonaa bi shuunee aafoommonon qocoyich, ne aafo asho bullichi gommon ciinnii beetone.

Hiziqeeli 18:30

“Israꞌeelee macceenaꞌote, ebich bi gommi gommoommona asho bi ikkikkoochi toommooch nallemmo taane, iye Nuggishoo Doono Yeeri. Gondoochee wottebote; axaaxoo xugoon ittoshich bi tuneyaachemmoyich ittoshi xuꞌo bulliichee wottebote.

Hiziqeeli 33:20

Tunebaani ittoshi, ‘Doonochi gommo kaamoo toonoone’ iyote; Israꞌeelee macceenaꞌote, ittoshi shuuni shuunoommon ittoshi toommooch nallemmo taane” iye.

Hiziqeeli 7:27

Taatoo eeppemmone; woraaferashoo gibenoon kuxxemmone; showee asheenaꞌochi kishoo keqqoona qewemmone; boonoshi gommi gommoommona boonoshi toommooch tuniyemmo taane; boonoshi nallitoommon boonoshi toommooch nallemmo taane; Doono Yeeri ta tunoon ariyemminaꞌone” iye.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Daaneeli 9:9

No Doono no Nuggishoocho, ne toommooch hukkoon shuuneto no tunetaanoona, ne, ariqqechonaa maarechona neene.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Roomi 2:6

Biyoo asho bi ikkikkoyich bi shuuni shuunoommon qoccemmone.

1 Qorontoosi 3:8

Yaroon shookkitonaa aacon kittii uchitona ikkeenaꞌone. Yeeri boonoshi qelli qelloona boonoshi shuunetoommon boonoshich wojjemmone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Efesooni 6:8

Asho koniyoona guuno bi tunetaa, tuno bi qajjitaa, bi tuniibeeti gaawe mooyo bullich Doono Yesuus waanee gaacoon danemmo bi tunoon ariibeeto ittoshine.

Qolaasiyaasi 3:25

Yeeri ashoon ciinniꞌi heppaache; ebich xuqqiibeeto bullich bi xuꞌee gaacoon qoccemmone.

1 Pheexiroosi 1:17

Koninolla heppaanoon bi ikkikkoyich bi shuuneti shuunoommona bi toommooch nalliibeeti Yeerin “Ta Nihoocho!” iꞌi ittoshi ceeggii beetoyich, illa hini iibboommo tuneꞌi, ittoshi beeti yemeeno bulliich biin shatona beebote.

Yaaꞌoo 22:12

Yesuusiyoo ishichiye: “Ebiyoche, kaateree woyemmo taane; ta woyemmo, asho bi ikkikkoyich ta qoccemmi bi shuuni shuunee gatiyoon yeshireeshiye.