Shoddo 62:10 - Kafa Linguistics Project

¹⁰ Bogoona woyee xuꞌoona gaannoon danemmo noone getiree gibeneyaahote; ittoshi gaanno woddegaata, aroon gibeneyaahote.

Shoddo 62:10 ပူးပေါင်းရင်းမြစ်များ

Iyoobi 20:19

Ebiyoo girechon shiqqiiꞌi bi xuqqitoyich, bi hagaani ashi kexon boggii bi deqqitoyichiye.

Iyoobi 20:29

Yeeri gonde ashoyich qoccemmi qoco, bi toommooch bi deebemmi aallo ebine” iye.

Shoddo 39:6

asho yiirittoommone; bi aajjiibeeto duubooniye; konich bi tunemmo gaata, ariyaanoon gaannoon kiciye.

Shoddo 4:3

Doono Yeeri biich qeyiti asheenaꞌon biich bi kaacon ariibote; Doono Yeeri bi waan ta cookigaata waayemmone.

Shoddo 49:6

Boonoshi gaannoon gibeneebeeti asheenaꞌoyich, boonoshi gijjoonoo yebeneebeeti gaannechinaꞌoyich, ta shattemmo amoyichiye?

Shoddo 52:7

“Yeerichi shoobooch gimon qajjiichii, bi gaannee woddoon gibeneebeeti, gondee shuunoona kupphee qeyiti asho, ebeegote” gettemminaꞌone.

Shoddo 91:14

Yeeri ishichii beetone: “Taan bi shunnii beetoyich biin wodiyemmo taane; ta shigoon bi arii beetoyich, biin quyemmo taane.

Shaahiyoo 23:5

Gaannoon aafoon waaxxaa ne ciinigaata, aallemmone; shimaayooch yoobbiibeeti booyochoommon bi qellich qoshoo kichi aallemmone.

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 30:12

Ebich Israꞌeelee Yaafoo ishichiye: “Ebi qaaroon ittoshi hoxetoyich, xuꞌoonaa xummittinoonon ittoshi gibenetoyich, aroona ittoshi degeetoyich,

Isiyaasi 40:15

Ebiyoche aageteenaꞌo baaretooch beeti aachi cotoomminaꞌone; machee toommooch beeti quttoomminaꞌone; buure showeenaꞌonoo quttoochoommon tiijjiye.

Isiyaasi 40:17

Doono Yeeri aafoochaa aageteenaꞌo bulli, mooch haddeyaaneenaꞌone; boonoshiyoo bi aafoochaa am bedaaneenaꞌonaa gaacaalleenaꞌonane.

Isiyaasi 47:10

Ne gonde shuunoon gibeneti neene; ‘Koniyoona taan beegaanoone’ iti neene; ne aconaa ne ariyoona neen muriciitone; ne mulloonoo ‘Tayee besho koniyoona aalloone’ iti neene.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Erimiyaasi 17:11

Tateyaani gommona gaannoon kiciibeeti asho, bi gabexeyaanoon guuppaabeeti akkeyoommone; bi eeni gutte daggaa, ebi gaannoon muccemmone; tuushoo bi tuno ciiroochaa xalla bekkemmone.

Maariqoosi 10:23

Aree hillooch Yesuusi guuddii wottee ciinniꞌi bi dabbeenaꞌoyich “Gaannechinaꞌoyich Yeerichi taatittineech gimo am shaahe maggoone!” iye.

1 Ximootiyoosi 6:10

Ebi gijjee shuno meeti gonde mooyon shuunooch bechemmone; ebiyoommon ikkikkeenaꞌo gijjoon qaatiibee, Kiristoosi toommooch mullee tooꞌiyoon qajjiꞌi shattii giiriiti ayinee daggooch boonoshi hajjee kishoona giyitinaꞌone.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.