Shoddo 60:6 - Kafa Linguistics Project

⁶ Yeeri bi yaafee kexoochaa ishichiye: “Emiroona Shekeemin qeellemmo taane; Sukooti bamboon qoodemmo taane.

Shoddo 60:6 ပူးပေါင်းရင်းမြစ်များ

Halloo 12:6

Abraami Shekeem beeti Mooreehi gorooch beddaahaa, besheꞌi hammiye. Ebiyooba Kanaaneenaꞌo ebi are showooch beeheete.

2 Saameeli 3:18

Doono Yeeriyoo, ‘Ta guuno Daawiti kishoona ta asheenaꞌo tuneti Israꞌeeleenaꞌon Filsixeemeenaꞌo kishoonaa boonoshi etteenaꞌo bulli kishoonoochee kichemmo taane’ iꞌi Daawitich bi gibenikkitoyich, illa ebi aafi ittoshi gaboon and tuniibote” iye.

Shoddo 119:162

Wodde kecoon daneꞌi emiriibeeti ashichoommon, ne qaaro taan emirikkiye.

Shoddo 132:11

Doono Yeeri shaddeyaani ibere wogoon Daawitich ishichiꞌi wogehe: “Ne hajjee bushoon ne taatee qeenooch kotiyemmo taane.

Shoddo 56:4

Yeerin ta gibenetoyich shataache; taach bi gibenikkiti gibenoyich biin galletoye; asho taan amoon halleshone?

Shoddo 89:19

Gibeneeti ne guunoyich wonna ishichaꞌa yaaꞌoona getteto neene: “Ikke ginee anaamon gaachehoye; asheenaꞌo daggoochee ta kaaccetoyich oogoon immehoye.

Shoddo 89:35

Ta yaafittinoona ikke wottoon ta wogetoyich, Daawitich kootaachemmo taane.

Erimiyaasi 23:9

Keemechinaꞌochi naboona ta mullo ta maacaa tiishetone; ta shaawusho wotwotiitone; Doono Yeerichi naboona, yaafoo tuneti bi qaaree naboona woyinee uyo yexxiti, masheti uroommon tuneto taane.

Amootsi 4:2

Nuggishoo Doono Yeeri bi yaafittinoona ishichiꞌi wogetone: “Qamaaxiroona yeshaa ittoshi hammemmi aabo shaggitone; ittoshi daggoochee koniyoona echeyaanoon haashe yeshe qamaaxiroona yeshaa hammemmo ittoshine.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Yaasi 13:27

Wotta Heshiboni katemoochaa taateti, Amooreenaꞌo taatoo Sihooni hajjiti showoon, ebiyoo Yoordaanoosi bambee daggooch beeti, Beet Haraami, Beet Nimiraahi, Sukootinaa Tsafooninane. Aabi-gimo waani boonoshi showee daaro Kinerootee baharooch beddaahaa beeti Yoordaanoosine.

Yaasi 17:7

Minaasi yoodee showoo Aseeri yoodee showoochee tiijjiꞌi, Shekeemaa aabi-keyo waan Mikimetaati katemooch shaggii beetone. Aroochee bi showee daaro deshi-waan besheꞌi En Taphuuhee showooch beeti asheenaꞌo waan shaggii beetone.

Yaasi 20:7

Ebich geppechi Nifitaalee showee daggooch, Galiilee showooch beeti Qedeeshin, geppechi Efreemee showooch beeti Shekeemin, geppechi Yihudee showooch beeti Kebirooni getteeti Qiriyaat Aribin bariiheete.

Yaasi 24:1

Aroochee Yaasi Israꞌeelee yoodeenaꞌo bullin ikkooch Shekeem kiciye. Israꞌeelee geeneenaꞌon, ukkireenaꞌon, nallechinaꞌonaa iraasheenaꞌonon ceeggiye. Boonoshiyoo Yeeri aafooch giddeheete.

Yaasi 24:32

Israꞌeeleenaꞌo Gibitsee boonoshi deebiti Yooseefichi shaawusho Shekeem duukkehe. Ebi bi duukketi showoo wonna Yaaqobi balle xure birewoona Shekeemi nihoo Hamoori yareenaꞌo waanee bi kemetone. Ebi showoo Yooseefi shiijjereenaꞌo woraashiti showoone.