Shoddo 60:2 - Kafa Linguistics Project

² Showoon shuurikkaꞌa gaakketine; showoo tiishetoyich ebi bi gaahoon wochi yeshiibe.

Shoddo 60:2 ပူးပေါင်းရင်းမြစ်များ

2 Saameeli 22:8

“Showoo qewehe; shuuriinoo iye; shimaayee tuugeenaꞌo shuuriyeete; qeweenoo iyeete; ebiyoo Yeeri kaaretoyichiye.

2 Saameeli 8:1

Ebiyee gubb, Daawiti wochinnoon Filsixeemeenaꞌona koyeꞌi, boonoshin kochii wochiye. Meteeg Amahi katemoon boonoshi kishoochee deqqiye.

1 Kiinoo 18:12

Tseruuyi bushoo Abishayi aaraa shimitte hume Edoomee asheenaꞌon Kiikki bamboochaa wuxiye.

1 Kiinoo 18:3

Daawiti Efiraaxisi aachi gaꞌooch beeti showoon koyi yecha bi hamiyooba, Tsobaahee taatoo Hadadezeerin Hamaat beddaahaa hammii kochiye.

1 Kiinoo 18:5

Damaasiqa beeti Sooriyeenaꞌo Tsobaahee taatoo Hadadezeerin gaacheya waataa, Daawiti boonoshi daggoochee hiyaa gutte hume asheenaꞌon wuxiye.

2 Kiinoo 7:14

ta shigoona ceekketi ta asheenaꞌo boonoshi qelloon giishiiꞌi boonoshi qollegaata, taan boonoshi qaawigaata, boonoshi gonde gommoochee boonoshi wottegaatoo, shimaayoochaa boonoshi qolloon waayemmo taane; boonoshi axaaxoon maaremmo taane; boonoshi showoonoo wodiyemmo taane.

Iyoobi 5:18

Yeeri xoobbii mayii beetone; kaappiꞌi wodii beetone; yexxii tiichii beetone; guucciꞌi wodii beetone.

Iyoobi 9:6

Showoon bi kote xaaꞌoochaa shuurikkii beetone; showee tuugeenaꞌonoo qewii beetone.

Shoddo 104:32

Showoon bi ciinaa qewehe; guudinaꞌon bi yeshaa cufiyeete.

Shoddo 114:7

Showoocho, Doono aafooch, Yaaqobichi Nuggishoo aafooch, qewebe.

Shoddo 18:7

Showoo qewehe; shuuriinoo iye; guudi koteenaꞌo shuuriyeete; qeweenoo iyeete; ebiyoo Yeeri kaaretoyichiye.

Shoddo 89:40

Bi xaqqee uxeroo bullin tiichehine; bi mishigeenaꞌonoo happihine.

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 7:8

Sooriyeenaꞌochi shimbo Damaasiqine; Damaasiqi shimbo Resinine; Efreemiyoo shichaa uuche nati daggooch tiishemmone; ebiyee bekk aagetee showoo tuneyaachemmone.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Erimiyaasi 14:17

“Ebi qaaroon boonoshich ishichi gete: ‘Ta asheenaꞌo, oogichii boonoshi tiishetoyich, qaaꞌi mayona boonoshi yexxetoyich, ta aafo kuxaanoon xumoonaa areddoonon acimoon ukkii beetone.

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Erimiyaasi 4:24

Guudinaꞌon ciinneho; ebiyoche qewee beetinaꞌone; geppeenaꞌoo okk hach shuuriyeete.

Erimiyaasi 48:38

Koniyoona aaxxiyaani qiicoochoommon Moꞌabin ta tiichetoyich, bi kechi toommeexi kexo bulli toommooch, bi addibaabooch, bulli xaaꞌooch, eefoani beeto, bare mooyo aalloone” iye Doono Yeeri.

Shoosho 2:13

Yerusaalemi asheenaꞌote, ittoshichon ama getote? Amoona ittoshin shaahiibote? Ittoshin goggiyoyich amoona tachibote? Ittoshi aallo baharoommi gamino bi tunetoyich, ittoshin wodiyemmo konine?

Hiziqeeli 34:16

Aalletinaꞌon qaawemmo taane; yallyallimitinaꞌon wochemmo taane; tiishetinaꞌon guuccemmo taane; hakka guuteenaꞌon kupphiyemmo taane; awujjitinaꞌonaa giidetinaꞌonon aalliyemmo taane; dayinnetoona bageenaꞌon qiddemmo taane.

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Amootsi 8:8

Ebich showoo qewemmoyich tuniyemmo taane; showee toommooch beeto bulli eefemmone. Showoo bulli shuuremmone; Abbaayi aaco phiceyoommon kaama tiyi kindibee phiceyemmone” itone.

Imbaaqoomi 3:10

Guudinaꞌo neen beeggiꞌi, qeweheete; ambamboo showoon machiꞌi beshee hammiye; baharee aacoo goohiye; aachi aayoo kaama tiyiye.

Maatiyoosi 27:51

Arooba yaafee kexooch tippeeti maccillaatoo dambee tiijjiꞌi desh beddaahaa gutte badd kappheeꞌi keexee kechiye; showee qewahan; xaqqee guudinaꞌoo gaaheheete.