Shoddo 59:16 - Kafa Linguistics Project

¹⁶ Ta xuuxee aabooba taach deeboonaa mishigoonon ne tunetoyich, ne hakkoyich shoddemmo taane; qaaroon oogichiree maaddoona, ne shoodoyich, shoddemmo taane.

Shoddo 59:16 ပူးပေါင်းရင်းမြစ်များ

2 Saameeli 22:3

ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone; taan wodiyecho, xuꞌechinaꞌo kishoochee taan wodii beetone.

Iyoobi 15:23

‘Maayo aaye?’ getibee aakkaa aakkemmone; manderee aabo biich shaggito bi tunoon, ariyemmone.

Iyoobi 37:23

Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.

Shoddo 101:1

Doono Yeero, neech shoddemmo taane; ne shoodoonaa ne dayinnetoonoyich shoddemmo taane.

Shoddo 106:8

Tunebaani Doono Yeeri ooge bi hakkoon arichiyoyich, bi shigoyicha ii boonoshin wodiihe.

Shoddo 138:7

Xuuxo taan giishi gaatoona, ne ta kasheen wodiihine. Ta etteenaꞌochi kaaree toommooch ne mochoon tiijjihine; ne hakkoona taan wodiihine.

Shoddo 143:8

Neen ta gibenetoyich ne shoodoon maaddi maaddoona taach bekkiibe; ta kasheen neech ta immetoyich ta hammemmi gommon taach dojjibe.

Shoddo 145:11

Ne taateechi oogoon yibbaatemminaꞌone; ne giideechon gettemminaꞌone.

Shoddo 21:13

Doono Yeero, ne giidoona ooge bekkebe! Ne hakkoyich shodde, neen galletemmo noone.

Shoddo 30:5

Bi kaareebeeto giisheche aabooniye; tunebaani bi ariqqo kashee yemeeneechone; xum eefo waataa, maadda emiroo tunemmone.

Shoddo 31:7

Ta iritoon ne beeggetoyich, ta kashe xuuxoon ne ariitoyich, ne shoodoona emirii, emiroonoo wucwuccoye.

Shoddo 36:5

Doono Yeero, ne shoodo shimaayooch beddaahaa, ne gibeneyoo gumooch beddaahaa shaggitone.

Shoddo 4:1

Cadiqe ta Nuggishoo Yeero, ta qollegaata taach wochibe; xuuxaa ta beehooba taan gaachehine; taach ariqqebe; ta corootoon waayebe.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shoddo 5:3

Doono Yeero, maaddoona ta qaaroon waayehine; maaddoona ta qolloon ne waan giddiyaachaa, quyaa beehoye.

Shoddo 77:2

Ta xuuxee aabooba ta Doonon qaawiyo; xumoonoo ciroona taahaanoon ta kishoon yaggiyo; ta kasheyoo goggemmon mawiihan.

Shoddo 86:13

Ebiyoo ne shoodo taach oogeto bi tunetoyichiye; maash hamoocheenoo taan ne wodiitoyichiye.

Shoddo 88:13

Doono Yeero, ne waan cookiyoye; maaddi maaddoona ta corootoon ne aafooch giddiihoye.

Shoddo 89:1

Doono Yeero, ne shoodoon bulli yemeenoon shoddemmo taane; ne gibeneyoon ta noonoona shiijjeroo bullich awaajjemmo taane.

Keyo 15:6

“Doono Yeero, ne qanne mochoo giidechi oogee yiirechone. Doono Yeero, ne qanne kishoo ettoon yiikketone.

Erimiyaasi 30:7

Ebi aabo am shaahoon shattiihe! Ebiyoommi aabo aalloone; ebi Yaaqobichi iritee aaboone; tunebaani bi aroochee wodemmone.

Roomi 15:9

wotta Aageteenaꞌo Yeerin bi maaroyich boonoshi oogiyemmoyichiye iyo. Ebiyoo, “Ebich Aageteenaꞌochi daggoochaa neen galletemmo taane; ne shigoyichoo shoddemmo taane” getaa bi kooreetoommoniye.

2 Qorontoosi 1:10

Biyoo ebin shaahiibeeti qitoochee noon wodiihe; andoo wodiyemmone; ittoshiyoo wotta Yeerin qolloona noon ittoshi gaache beetaa, gubboo wotta noon wodiyemmo bi tunoon gibenaabeeto noone; wodde corootoona Yeerichi wojjoon no danetaa, meeti asheenaꞌo no naboona Yeerin galletemminaꞌone.

Efesooni 3:20

Illa noonna bi shuuneebeeti bi giidoommon no qollaa beetoyee woyee no gabaabeeto bulliyee beshaa beshiiꞌi tuniyoon hakkiibeeti Yeerich,

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.

1 Saameeli 17:37

Daaheroonaa diiboonochi kishoochee taan wodiiti Doono Yeeri, hini Filsixeemo kishoochee taan wodiyemmone” iye. Saaꞌooliyoo “Ishigaata, tunebe. Doono Yeeri neenna tookki tunebe” iye.