Shoddo 57:1 - Kafa Linguistics Project

¹ Taach ariqqebe; Yeero, taach ariqqebe; ta kashe ne shoobooch bi giyetoyich, yubee yongoommi aallo beshemmi wottoon, ne qoshee yiiroon shoobo tuniyemmo taane.

Shoddo 57:1 ပူးပေါင်းရင်းမြစ်များ

Shoddo 125:1

Doono Yeerin gibenee beetinaꞌo, bulli yemeenoon manjiti, shuuraani Tsiyooni guudoomminaꞌone.

Shoddo 13:5

Tunebaani ta, ne shoodoon gibenehoye; ta mullo ne wodiyoona emiriye.

Shoddo 142:1

Ta qaaroon oogichaa Doono Yeer waan cookihoye; ta qaaroon kichaa biin qollehoye.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 36:7

Yeero, ne shoodo oogeti aaxxe mooyone; asheenaꞌo ne qoshee yiiroon shoobo tuniiheete.

Shoddo 56:1

Yeero, asheenaꞌo taan neexxitoyich, heeyo bullin taan boonoshi yookkii dabbitoyich, taach ariqqebe.

Shoddo 58:1

Giidechinaꞌote, dayinnetoona nallii ariihote? Asheenaꞌo daggooch tachii nallii ariihote?

Shoddo 59:1

Ta Nuggishoocho, ta etteenaꞌo waanee taan wodiibe; ta toommooch tiyii beetinaꞌo waanee taan quyebe.

Shoddo 61:4

Ta kashe yemeeno bullin ne duukkaanooch beebona; ne qoshee dechiichoo aashebona.

Shoddo 63:7

Ta gaachoo ne tunetoyich, ne qoshee yiiroochaa emiroona shoddehoye.

Shoddo 75:1

Yeero, neen galletehone; nooch katino ne tunetoyich, neen galletehone; worganikkiti ne shuunoon asheenaꞌo miixemminaꞌone.

Shoddo 9:10

Doono Yeero, neen gibenee beetinaꞌon dufaano ne tunetoyich, ne shigoon arii beetinaꞌo bulli neen gibeneheete.

Shoddo 91:1

Beshoo Yeeri shoobooch beeto, Beshe Hakkechi Nuggishoochi yiirooch qeyiibeeto,

Shoddo 91:4

Bi qoshoona neen qeremmone; bi qoshee dechiich shoobo danemmo neene; bi gibeneyoo neech gaachoonaa deeboonon tunemmone.

Shoddo 91:9

Ebiyoo Doono Yeerin neech shoobo ne tuniitoyich, Beshoo Yeerin ne qiddoo ne tuniitoyichiye.

Isiyaasi 10:25

Ittoshi toommooch ta kaareti kaaro giisheche aaboyee gubb neexemmone; ta kaaro boonoshi waan guudiree, boonoshin aalliyemmone” iye.

Isiyaasi 26:20

Ta asheenaꞌote, wobote; ittoshi kexi kexooch giyiichi ittoshi toommooch shaaqqoon hicote; Yeeri kaaro beshemmi wottoon, giisheche aaboon ittoshi qelloon aachibote.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Maatiyoosi 24:22

Ebi aabeenaꞌo qaminaan gaata, koniyoona wodoon hakkaacheshone; tunebaani kaachetinaꞌoyicha getaa ebi are aabeenaꞌo qaminnitinaꞌone.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Yowannisi 16:20

Iberoon ittoshich gettoye: Eeppemmo ittoshine; muushenemmo ittoshine; tunebaani alemo oogichi emiremmone. Ittoshi muushenemmo ittoshine; tunebaani ittoshi muusheno emirooch shaddeyemmone.

Yibbaatoo 9:26

Tawoo Doono Yeer waan ishichaꞌa corootiyo: ‘Nuggishoo Doono Yeero, ne oogoonaa kupphe ne kishoonon bekkiyoona biishaꞌa, Gibitsee kichaa ne deebeti ne hajjee asheenaꞌon aalliyaahine.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.

Ruuti 2:12

Ebi ne tuniiti deꞌe mooyoyich Yeeri neech deebe; bi quyoon qaawaꞌa bi qoshee dechiich ne giyeti, Israꞌeelee Nuggishoo Doono Yeeri gaawe mooyon neech ceenoona imbe” iye.

1 Saameeli 22:1

Daawiti Gaatee Adulaami katemee katinooch beeti xaqqee gofooch hammiye. Bi maneenaꞌonaa bi nihoochi kechi asheenaꞌona ebin waayeꞌi bi waan hammiyeete.

1 Saameeli 24:3

Saaꞌooliyoo gommi gashooch beeti bagee dogooch shaggiichii, ikke xaqqee gofoon daneꞌi, kubboon kubbeya arooch giyiye. Areegaata Daawitinaa bi asheenaꞌona are xaqqee gofee maaci duꞌooch aasheꞌi beetinaꞌone.

1 Saameeli 24:4

Daawitichi asheenaꞌo biich “ ‘Ne ettoon ne kishooch beshiiree immemmo taane. Newoo ne shunnemmon bi toommooch shuunemmo neene’ iꞌi Doono Yeeri gettiti aabo hanaachiye” iyeete. Daawitiyoo shokiibee hammiꞌi, Saaꞌoolichi qoreddee caappoon kuxxiye.

1 Saameeli 24:8

Aroyee gubb, Daawiti xaqqee gofoochee Saaꞌoolin dabbii kechiꞌi, “Taatoo ta doonocho!” iꞌi ceeggiye. Saaꞌooli gubb wottee bi ciinnimmona, Daawiti Saaꞌoolich oogoon imoyich, baroona showooch guufehe.

1 Saameeli 26:9

Tunebaani Daawiti Abishayich ishichiye: “Wuxiyaahine! Doono Yeeri huuttito toommooch gonde mooyon tuniichii, xuꞌaalli xalloo tuno aalloone.