Shoddo 55:20 - Kafa Linguistics Project

²⁰ Ta nuuchoo bi xibeenaꞌo toommooch bi kishoon tiijjiye; bi giyiti wogoonoo happiye.

Shoddo 55:20 ပူးပေါင်းရင်းမြစ်များ

2 Saameeli 18:12

Tunebaani uro wochiꞌi Yoꞌaabich ishichiye: “Balle kishoon ebiyee beshiti birewoon taach ne immemmo gaatoona, taatoochi bushoo toommooch ta kishoon tiijjaache; ebiyoo no waayaa beetaa taatoo neech, Abishayinaa Itayinoyich ‘Ta bushoo Abisoloomi toommooch koniyoona gonde mooyon bi tuniyaachemmoyich quyebote’ bi itoyichiye.

2 Saameeli 2:4

Aroochee Yihudee asheenaꞌo Kebiroon waa, Daawiti shimbooch zayitoon huuttiꞌi, Yihudee asheenaꞌo toommooch taatiiheete. Saaꞌoolin duukkitinaꞌo Gilaadee showooch beeti Yabeeshi asheenaꞌo tunoon Daawiti waayehe.

2 Saameeli 5:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Taatoo Daawitiyoo Kebiroonaa Doono Yeeri aafoochaa boonoshina tookkii wogoon giyiye. Boonoshiyoo Daawiti shimbooch zayitoon huuttiꞌi, Israꞌeelee showooch biin taatiiheete.

2 Taateenaꞌo 17:34

Hanaach beddaahaa aafi boonoshi doyoommon tunii beetinaꞌone. Doono Yeerich goyinneyaaneenaꞌone. Israꞌeeli iꞌi Doono Yeeri shigiiti Yaaqobichi yareenaꞌoyich bi gettiti qociyoon, doyoon, sheeroonaa getoonon dabbaaneenaꞌone.

Shoddo 109:5

Deꞌee kaalloon gondoon wochiyeete; ta shunneti keroon taan shixxiyeete.

Shoddo 6:10

Ta etteenaꞌo bulli yeellemminaꞌone; oogichishoo keqqemminaꞌone; diqqoona yeelleree gubb wottemminaꞌone.

Shoddo 89:28

Ta shoodoon bulli yemeenoon biich tuniyemmo taane; biinna tookkaa ta giyeti wogo manji beeyemmone.

Shoddo 89:34

Biinna tookkaa ta giyeti wogoon biishaachemmo taane; ta noonoochee kechiti qaaroon shaddaachemmo taane.

Shoddo 89:38

Tunebaani ne kaacceton and duppaa qajjehine; ne huuttetonoo oogichaa kaarehine.

Shoddo 93:2

Ne taatee qeeno wonnee tiijjiꞌi manjoone; newoo bulli aabooch beeto neene.

Dojjecho 8:2

Yeeri biich wogoon bi giyitoyich, taatoochi getoon ne ceechemmoyich neech gettehoye.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Mishiraachechinaꞌo 12:1

Aroobee yemeenooch taatoo Heroodisi iritoon bekkiiya Yesuusichi asheenaꞌo daggoochee ikkikkeenaꞌon yechiihe.

1 Saameeli 22:17

Aroochee taatoo bi guudoona neexeebeeti, biin quyechi bi naayinaꞌon “Ebi Doono Yeerichi qeesheenaꞌo Daawit waan gaꞌetinaꞌone. Wotta Daawiti muricon ariibee taach gettemmon qajjitinaꞌone. Ebich boonoshin wuxibote” iye. Tunebaani taatoochi naayinaꞌo Doono Yeerichi qeesheenaꞌon wuxemmon qajjiyeete.

1 Saameeli 24:10

Ebiyoche, hanaach ebi xaqqee gofee daggoochaa Doono Yeeri neen aabichiꞌi ta kishooch beshii bi immito gaata, ne aafoona beeggeto neene. Ikkikke ta asheenaꞌo neen ta wuxemmoyich gettitinaꞌone. Tunebaani ta ‘Doono Yeeri huuttiti ta doono toommooch gonde mooyon tuniyaache’ getona neech ariqqehoye.