Shoddo 55:17 - Kafa Linguistics Project

¹⁷ Maaddoonaa womikkoonon, aabe tukkehaanoo, gaashillaa cookaabeeto taane; biyoo ta qaaroon waayemmone.

Shoddo 55:17 ပူးပေါင်းရင်းမြစ်များ

Iyoobi 19:7

“ ‘Xuqqeto taane’ iyaꞌa ta cookitaa, koniyoona ta cookoon waayeyaache; ta qaaroon oogichaꞌa ta cookitaa, dayinnetoon daneyaache.

Shoddo 119:62

Tate ne dayinnetoyich neen galleteya xumee gutte qellimooch tiyehoye.

Shoddo 141:2

Ta corooto ne aafoochaa ixaanochoommon shucheto tunebe; kishee ta tiijjoo womikkee deejjochoommon ciichebe.

Shoddo 72:12

Girecho bi waan cookiyooba, wodiyemmone; iriteetonaa gaachemmon muccetonon gaachemmone.

Shoddo 77:2

Ta xuuxee aabooba ta Doonon qaawiyo; xumoonoo ciroona taahaanoon ta kishoon yaggiyo; ta kasheyoo goggemmon mawiihan.

Shoddo 88:13

Doono Yeero, ne waan cookiyoye; maaddi maaddoona ta corootoon ne aafooch giddiihoye.

Shoddo 92:2

Ne shoodoon maaddoona, ne gibeneyoonoo xumoona awaajjoo gaawetone.

Shoosho 3:8

Gaachoon danoyich, ta abeetaa, ta cookaa ta corootoon waayemmon qajjiye.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Daaneeli 6:13

Boonoshiyoo taatoyich ishichiyeete: “Taatoocho, Yihudee showoochee kecaa waati asheenaꞌo daggoochee ikkoo tuneti Daaneeli, neennaa ne kichiti awaajjoonon mooyooch haddaanoon, heeyooch keejje wottoon bi nuggishoon qollee beetone” iyeete.

Maariqoosi 1:35

Maaddoona, showoo batt haraan beetaa, Yesuusi tiyii ikke qere xaaꞌooch hammiꞌi aroochaa corootiye.

Maariqoosi 6:46

Biyoo asheenaꞌon diggii deenniichii corootiya geppooch kechiye.

Maariqoosi 6:48

Arooba boonoshi toommooch yongo daappitoyich markabee boojjetoona yoppeebee xuuxeheete. Yesuusi boonoshi xuuxoon beeggiꞌi, qaabbe baakkee kuuhooch baharee toommona shaꞌeebee boonoshi waan waahe; waaꞌi boonoshiyee aaf besheya iye.

Mishiraachechinaꞌo 10:3

Ikke areddoon yiixiye saati bedooch Yeerichi maraakoo “Qorinelooso!” iibee bi waan bi giyii beetaa, yaaꞌoon xallayii beeggiye.

Mishiraachechinaꞌo 10:30

Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi,

Mishiraachechinaꞌo 10:9

Bi yaachich are wocheeti asheenaꞌo hammiibee, are Yooppha boonoshi shagg beddimmona, Pheexiroosi corootiya shiritte saati bedooch kechi toommeexi kexooch kechiye.

Mishiraachechinaꞌo 3:1

Ikke areddoon asheenaꞌo corootiya kiceebeeti saatooch, ebiyoo yiixiye saatooch, Pheexiroosinaa Yowannisina yaafee kexooch hammii beeheete.

Efesooni 6:18

Yeerin qollebee bulli aaboon Yaafe Ayaano immiibeeti hakkoona corootibote. Ebi gaboonoo yaafeenaꞌo bullich Yeerin qollebee qaalliree corootoona kupphebote.

1 Tasaloonqi 5:17

kuxaanoonoo corootibote;

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.