Shoddo 53:6 - Kafa Linguistics Project

⁶ Israꞌeelin wodiyecho Tsiyoonee waashoo geta! Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 53:6 ပူးပေါင်းရင်းမြစ်များ

Iziri 3:11

Boonoshinaa boonoshina kaalli kaalloona shoddoon kofeebee, “Deꞌoone; bulli yemeenoon Israꞌeeleenaꞌoyich shoodechone” iꞌi shoddoona Doono Yeerin galleteheete. Doono Yeerichi kechi xaqqeenaꞌo heccetoyich, asheenaꞌo bulli Doono Yeerin galleteebee ooge qaaroona ililiyeete.

Nehimi 12:43

Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Iyoobi 42:10

Iyoobi bi nuucheenaꞌoyich bi corootitoyee gubb, Doono Yeeri biin wochinnoon gaannechon tuniihe; aafi bi gaannoyee gutte kishoon tuniiꞌi bulli mooyon biich immiye.

Shoddo 14:7

Israꞌeelin wodiyecho Tsiyoonee abo waashoo geta! Doono Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.

Shoddo 50:2

Oogeti malletechi Tsiyooni katemoochaa Yeeri aaxxee bekkehe.

Shoddo 85:1

Doono Yeero, ne showoyich deꞌe mooyon tuniimmo neene; Yaaqobichi yaroon wochaꞌa gaanniimmo neene.

Shaahiyoo 28:1

Gonde asho, koniyoona biin yoohaanoon wocciye; tunebaani cadiqo daaheroochoommon keqqaalloon beehe.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 14:32

Aageteenaꞌo waanee waabeeti wocheyechinaꞌoyich ama getiree wochibona? Doono Yeeri Tsiyoonin wochinnoon bi shuunoon, iriteeti bi asheenaꞌoo shoobon arooch boonoshi danoon gettemmo noone.

Erimiyaasi 30:18

“Doono Yeeri ishichiye: Yaaqobichi duukkaanee kecoon wochemmo taane; bi beemi xaaꞌoyichoo ariqqemmo taane; katemoo wochinnoon bi xoobooch shuuneyemmone; taatee kexoo wonnee bi xaaꞌooch neexemmone.

Erimiyaasi 31:23

Israꞌeelee Nuggishoo Beshe Mawe Doono Yeeri ishichiye: “Boonoshi kecoon ta wochiyooba, Yihudee showoonaa bi katemoo bullinoochaa, ‘Cadiqee beemi xaaꞌoocho! Yaafee geppoocho! Doono Yeeri neen diiribe’ wochinnoon getteyemmone.

Yoꞌeeli 3:1

Doono Yeeri ishichiye: “Aroobee aaboonaa yemeenoonooch, Yihudee showoonaa Yerusaaleminochi kecoon wochemmo taane.

Leweenaꞌo 26:17

Tawoo ittoshich etto tunemmo taane; ittoshi etteenaꞌo ittoshin koyi wochemminaꞌone; ittoshin shixxii beetinaꞌo ittoshin hajjemminaꞌone; ittoshiyoo koniyoona ittoshin yoohaanoon woci aallemmo ittoshine.

Leweenaꞌo 26:36

“ ‘Ittoshi daggoochee kashoona echetinaꞌo boonoshi etteenaꞌo showooch boonoshi beetaa, boonoshin keqqichemmo taane. Yongo shuurikkiibeeti michi waamona boonoshin betiyemmone; ginoochee muricciꞌi woccii beetochoommon, woci aallemminaꞌone; boonoshin yookkito aalloon dihemminaꞌone.

Amootsi 9:14

Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.